ഇന്ത്യയുടെ സാമ്പത്തിക വളർച്ച പ്രതീക്ഷിച്ചതിനെക്കാൾ ദുർബലം -ഐ.എം.എഫ്

വാഷിങ്ടൺ: ഇന്ത്യയുടെ സാമ്പത്തിക വളർച്ച പ്രതീക്ഷിച്ചതിനെക്കാൾ ദുർബലമാണെന്ന് അന്താരാഷ്ട്ര നാണയ നിധി (ഐ.എം.എഫ്). കോർപറേറ്റ്​ മേഖലയിൽ നില നിൽക്കുന്ന ചില ഭരണപരമായ പ്രശ്​നങ്ങൾ സമ്പദ്​വ്യവസ്ഥക്ക്​ തിരിച്ചടിയാവുന്നുണ്ട്​. ബാ ങ്കിങ് ഇതര ധനകാര്യ സ്ഥാപനങ്ങളുടെ വളർച്ചയിലെ കുറവും സമ്പദ്​വ്യവസ്ഥയിൽ പ്രതിസന്ധിയുണ്ടാക്കുന്നുവെന്ന്​ ഐ.എം .എഫ് വക്താവ് ജെറി റൈസ് വാർത്താ സമ്മേളനത്തിൽ പറഞ്ഞു.

ഇന്ത്യ ഉൾപ്പെടെ രാജ്യങ്ങൾ സാമ്പത്തിക വളർച്ചക്കുറവ് നേരിടുമെന്ന് നേരത്തെ ഐ.എം.എഫ് പറഞ്ഞിരുന്നു. ഇന്ത്യയുടെ വളർച്ചാ അനുമാനം ഐ.എം.എഫ്​ വെട്ടികുറക്കുകയും ചെയ്​തിരുന്നു. 0.3 ശതമാനം പോയി​ൻറിൻെറ കുറവ്​ വരുത്തി 7 ശതമാനമാക്കിയാണ്​ രാജ്യത്തിൻെറ വളർച്ചാ ഐ.എം.എഫ്​ നിജപ്പെടുത്തിയത്​.

ഏപ്രിൽ-ജൂൺ പാദത്തിൽ സാമ്പത്തിക വളർച്ച 5 ശതമാനത്തിലേക്ക് താഴ്ന്നിരുന്നു. ഏഴു വർഷത്തിനിടയിൽ ആദ്യമായാണ് ഇത്രയും കുറയുന്നത്. കഴിഞ്ഞ വർഷം ഇതേ പാദത്തിൽ എട്ടു ശതമാനം ആയിരുന്ന സ്ഥാനത്താണിത്. ​