ബീഫ്​ കയറ്റുമതിയിൽ ഇന്ത്യ മൂന്നാമത്​

ന്യൂഡൽഹി: ലോകത്ത്​ ഏറ്റവുമധികം ബീഫ്​ കയറ്റുമതി ​െചയ്യുന്ന രാജ്യങ്ങളിൽ ഇന്ത്യക്ക്​ മൂന്നാം സ്​ഥാനം. ബ്രസീലും ആസ്​​​ത്രേലിയയുമാണ്​ ഇന്ത്യക്ക്​ മുമ്പിലുള്ളത്​. കഴിഞ്ഞ വർഷം ഇന്ത്യ 1.56 ദശലക്ഷം ടൺ ബീഫാണ്​ കയറ്റുമതി ചെയ്​തതെന്ന്​ ഫൂഡ്​ ആൻറ്​ അ​ഗ്രികൾച്ചറൽ ഒാർഗനൈസേഷനും ഒാർഗനൈസേഷൻ ഫോർ ഇകണോമിക്​ കോപ​േറഷനും സംയുക്​തമായി പുറത്തുവിട്ട റിപ്പോർട്ടിൽ പറയുന്നു. 

ആഗോള ബീഫ്​ കയറ്റുമതിയിലെ 16 ശതമാനം വരുമിത്​. ബീഫ്​ കയറ്റുമതിയിലെ ഇന്ത്യയുടെ ഇൗ മുന്നേറ്റം അടുത്ത പത്ത്​ വർഷത്തേക്ക്​ തുടരുമെന്നാണ്​ റിപോർടിൽ പ്രവചിക്കുന്നത്​. ഏതു തരം മാംസമാണ്​ കയറ്റുമതി ചെയ്യുന്നതെന്ന്​ റിപോർട്ട്​ വ്യക്​തമാക്കുന്നില്ല. അതേസമയം, മ്യാൻമർ പോലുള്ള രാജ്യങ്ങൾ ഇന്ത്യയിൽ നിന്ന്​ പോത്തുകളെ ഇറക്കുമതി ചെയ്യുന്നുണ്ടെന്ന്​ റിപോർട്ടിൽ പറയുന്നുണ്ട്​. 

2016ൽ 10.95 ദശ ലക്ഷം ടൺ ബീഫാണ്​ ലോകത്ത്​ മൊത്തമായി കയറ്റുമതി ചെയ്യപ്പെട്ടത്​. 2026 ഒാടെ ഇത്​ 12.43 ദശ ലക്ഷം ടണായി വർധിക്കുമെന്നാണ്​ സുചന.