അമേരിക്ക-ചൈന തർക്കം: ആഗോളരംഗത്തെ പുതിയ പ്രതിസന്ധിയെന്ന്​ രഘുറാം രാജൻ

കൊച്ചി: അമേരിക്കയും ചൈനയും തമ്മിൽ നില നിൽക്കുന്ന പ്രശ്​നങ്ങൾ നിലവിൽ ആഗോള വ്യാപാര രംഗത്ത്​ പുതിയ പ്രതിസന്ധിക്ക്​ കാരണമായതായി മുൻ റിസർവ്​ ബാങ്ക്​ ഗവർണർ രഘുറാം രാജൻ. തൊഴിൽ നഷ്​ടം കുറക്കാനുള്ള അമേരിക്കയുടെ പുതിയ നീക്കം വ്യാപാരരംഗത്ത്​ ഗുണം ചെയ്യില്ല.

ഇറക്കുമതി ഉണ്ടാക്കുന്ന പ്രതിസന്ധി നേരിടാനാണ്​ അമേരിക്ക കൂടുതൽ നിയന്ത്രണങ്ങൾ ഏർപ്പെടുത്തന്നത്​. ഇന്ത്യ അമേരിക്കയും ചൈനയും തമ്മിലുള്ള തർക്കത്തിൽ നിന്ന്​ വിട്ടുനിൽക്കണം. കയറ്റുമതി അധിഷ്​ഠിതമായ സമ്പദ്​വ്യവസ്ഥകൾക്ക്​ ഇനി അധികകാലം പിടിച്ച്​ നിൽക്കാൻ സാധിക്കില്ല. കാർഷിക മേഖലയിൽ മാത്രം ഉൗന്നാതെ കൂടുതൽ മേഖലകളിൽ ഇന്ത്യ ശ്രദ്ധചെലുത്തണമെന്നും രഘുറാം രാജൻ പറഞ്ഞു.