വ്യാപാര യുദ്ധം: ട്രംപിനുള്ള പണിയുമായി ഹാർലി 

വാഷിങ്​ടൺ: അമേരിക്കയും മറ്റ്​ രാജ്യങ്ങളും തമ്മിലുള്ള വ്യാപര യുദ്ധം അതി​​െൻറ പാരമ്യത്തിലെത്തുകയാണ്​. പരസ്​പരം തകർക്കാനുള്ള നീക്കങ്ങളുമായി അമേരിക്കയും മറ്റ്​ രാജ്യങ്ങളും മുന്നോട്ട്​ പോവു​കയാണ്​. ഇതിനിടെ സ്വന്തം രാജ്യത്ത്​ നിന്ന്​ തന്നെ തിരിച്ചടി നേരിട്ടിരുക്കുകയാണ്​ പ്രസിഡൻറ്​ ഡോണൾഡ്​ ട്രംപിന്​. അമേരിക്കൻ ഇരു ചക്ര വാഹന നിർമാതാക്കളായ ഹാർലി ഡേവിഡ്​സണാണ്​ ട്രംപിന്​ കനത്ത തിരിച്ചടി നൽകിയിരിക്കുന്നത്​.  സ്​റ്റീലിനും അലുമിനിയത്തിനും അമേരിക്ക അധിക നികുതി ഏർപ്പെടുത്തിയതോടെയാണ്​ വ്യാപാര യുദ്ധം കടുത്തത്​.

ട്രംപ്​ സ്​റ്റീലിനും അലുമിനയത്തിനും അധിക നികുതി ഏർപ്പെടുത്തിയതോടെ പല അമേരിക്കൻ ഉൽപന്നങ്ങൾക്കും മറ്റ്​ രാജ്യങ്ങൾ ഉയർന്ന നികുതി ചുമത്താൻ തുടങ്ങി. ഇതോടെ അമേരിക്കൻ നിർമിത മോ​േട്ടാർ ​ബൈക്കുകളായ ഹാർലി ഡേവിഡ്​സണും മറ്റ്​ രാജ്യങ്ങൾ അമിത നികുതി ചുമത്താൻ തുടങ്ങി. ഇതിന്​ പ്രതികരണമെന്നോണം വിദേശത്ത്​ കൂടുതൽ പ്ലാൻറുകൾ നിർമിച്ച്​ നികുതിക്കുരുക്കിൽ നിന്ന്​ രക്ഷപ്പെടുമെന്നാണ്​ ഹാർലി വ്യക്​തമാക്കിയിരിക്കുന്നത്​. ഹാർലി വിദേശരാജ്യങ്ങളിൽ കൂടുതൽ പ്ലാൻറുകൾ ആരംഭിച്ച്​ നിർമാണം തുടങ്ങിയാൽ അത്​ അമേരിക്കൻ സമ്പദ്​വ്യവസ്ഥക്ക്​ കനത്ത തിരിച്ചടി നൽകും.

അതേ സമയം ഹാർലിയുടെ നീക്കത്തോടെ രൂക്ഷമായ ഭാഷയിലാണ്​ ട്രംപ്​ പ്രതികരിച്ചിരിക്കുന്നത്​. മറ്റ്​ രാജ്യങ്ങളിൽ നിർമാണശാലകൾ തുടങ്ങാനുള്ള നീക്കങ്ങളുമായി മുന്നോട്ട്​ പോയാൽ വൻ നികുതി ഒടുക്കേണ്ടി വരുമെന്നാണ്​ ഹാർലിക്ക്​ ​​ട്രംപ്​ നൽകിയിരിക്കുന്ന മുന്നറിയിപ്പ്​. എന്തായാലും ട്രംപി​​െൻറ മുന്നറിയിപ്പിനോട്​ ഇപ്പോൾ പ്രതികരിക്കാൻ ഹാർലി ഡേവിഡ്​സൺ തയാറായിട്ടില്ല.