Begin typing your search above and press return to search.
proflie-avatar
Login
exit_to_app
exit_to_app
Homechevron_rightBusinesschevron_rightBiz Newschevron_rightജി.എസ്.ടി വേഗം കൂടി...

ജി.എസ്.ടി വേഗം കൂടി വെട്ടിപ്പ്​ കുറഞ്ഞില്ല

text_fields
bookmark_border
walayar
cancel

ച​ര​ക്ക്​ ഗ​താ​ഗ​തം അ​തി​വേ​ഗ​ത്തി​ലാ​ക്കാ​ൻ ല​ക്ഷ്യ​മി​ട്ട്​ ജി.​എ​സ്.​ടി​യു​ടെ ഭാ​ഗ​മാ​യി ന​ട​പ്പാ​ക്കി​യ വ​ലി​യ പ​രി​ഷ്​​കാ​ര​മാ​യി​രു​ന്നു ചെ​ക്​​പോ​സ്​​റ്റു​ക​ൾ ഇ​ല്ലാ​താ​ക്കൽ. വാ​ള​യാ​ർ മു​ത​ൽ അ​മ​ര​വി​ള വ​രെ സംസ്​ഥാനത്തെ ചെ​ക്​​പോ​സ്​​റ്റു​ക​ളി​ൽ നി​ര​നി​ര​യാ​യി കാ​ത്തു​കെ​ട്ടി​ക്കി​ട​ന്ന വാ​ഹ​ന​ങ്ങ​ളു​ടെ കാ​ഴ്​​ച അതോടെ അപ്രത്യക്ഷമായി. എ​ന്നാ​ൽ, ചെക്​പോസ്​റ്റുകൾ ഇല്ലാതാക്കിയതിലൂ​െട ല​ക്ഷ്യ​മി​ട്ട കാ​ര്യ​ങ്ങ​ൾ നേടിയോ. കേരളത്തിലെ ചെ​ക്​​പോ​സ്​​റ്റു​ക​ൾ ഇ​പ്പോ​ൾ എ​ന്തു​ പ​റ​യു​ന്നു?

വാ​ള​യാ​ർ ശാ​ന്തം
പാ​ല​ക്കാ​ട്: വാ​ർ​ത്ത​ക​ളി​ൽ സ്ഥി​രം ഇ​ടം​നേ​ടി​യി​രു​ന്ന ചെ​ക്ക്​​പോ​സ്​​റ്റാ​യി​രു​ന്നു വാ​ള​യാ​റി​ലേ​ത്. പ്ര​തി​ദി​നം 2500ലേ​റെ വാ​ഹ​ന​ങ്ങ​ൾ ക​ട​ന്നു​പോ​യി​രു​ന്നു. മി​ക്ക ദി​വ​സ​ങ്ങ​ളി​ലും കി.​മീ​റ്റ​റു​ക​ൾ നീ​ളു​ന്ന ഗ​താ​ഗ​ത​ക്കു​രു​ക്കും വാ​ഹ​ന പ​രി​ശോ​ധ​ന​യും കൈ​ക്കൂ​ലി​യും അ​ഴി​മ​തി​യും നി​റ​ഞ്ഞ ചെ​ക്ക്​​പോ​സ്​​റ്റ്. അ​ഴി​മ​തി ത​ട​യു​ന്ന​തി​നാ​യി ധ​ന​മ​ന്ത്രി​യാ​യി​രു​ന്ന ഡോ. ​തോ​മ​സ് ഐ​സ​ക് ‘അ​ഴി​മ​തി ര​ഹി​ത വാ​ള​യാ​ർ’ എ​ന്ന പ​ദ്ധ​തി​ത​ന്നെ ആ​വി​ഷ്ക​രി​ച്ചു. 

ജി.​എ​സ്.​ടി​ക്ക് ശേ​ഷം വാ​ള​യാ​ർ ശാ​ന്ത​മാ​ണ്. ഇ-​വേ ബി​ൽ, ഇ​ൻ​വോ​യി​സ് എ​ന്നി​വ കാ​ണി​ച്ചു​കൊ​ടു​ത്താ​ൽ ച​ര​ക്കു​വാ​ഹ​ന​ങ്ങ​ൾ​ക്ക്​ ക​ട​ന്നു​പോ​കാം. പ​രി​ശോ​ധ​ന​യും ഉ​ദ്യോ​ഗ​സ്ഥ​രു​ടെ വി​ര​ട്ട​ലു​മി​ല്ല. ഗ​താ​ഗ​ത​ക്കു​രു​ക്കൊ​ഴി​ഞ്ഞു. വാ​ഹ​ന​ങ്ങ​ൾ യ​ഥേ​ഷ്​​ടം ക​ട​ന്നു​പോ​കു​ന്നു. എ​ക്സൈ​സ്, ആ​ർ.​ടി.​ഒ ചെ​ക്ക്​​പോ​സ്​​റ്റു​ക​ളി​ൽ മാ​ത്ര​മാ​ണ് പ​രി​ശോ​ധ​ന ന​ട​ക്കു​ന്ന​ത്. 

സം​സ്ഥാ​ന​ത്ത് ഏ​റ്റ​വും കൂ​ടു​ത​ൽ ചെ​ക്ക്​​പോ​സ്​​റ്റു​ക​ളു​ള്ള ജി​ല്ല​യാ​ണ് പാ​ല​ക്കാ​ട്. ആ​ർ.​ടി.​ഒ, എ​ക്സൈ​സ് പ​രി​ശോ​ധ​ന മാ​ത്ര​മാ​ണ് ഇ​വി​ട​ങ്ങ​ളി​ൽ ന​ട​ക്കു​ന്ന​ത്. നി​കു​തി​വെ​ട്ടി​ച്ച് പ്ര​ധാ​ന​മാ​യി ക​ട​ത്തി​യി​രു​ന്ന ഭ​ക്ഷ്യോ​ൽ​പ​ന്ന​ങ്ങ​ൾ​ക്കും കോ​ഴി​ക്കും നി​കു​തി​യൊ​ഴി​വാ​ക്കി​യ​തോ​ടെ ഉ​ൾ​നാ​ട​ൻ ചെ​ക്ക്​​പോ​സ്​​റ്റു​ക​ളു​ടെ പ്ര​സ​ക്തി​യു​മി​ല്ലാ​താ​യി. 

മു​ത്ത​ങ്ങ​യി​ൽ ല​ഹ​രി​ക​ട​ത്തു കൂ​ടി
ക​ൽ​പ​റ്റ:  വ​യ​നാ​ട​ൻ അ​തി​ർ​ത്തി​യി​ലൂ​ടെ ക​ഴി​ഞ്ഞ ഒ​രു​വ​ർ​ഷ​ത്തി​നി​ടെ ക​ഞ്ചാ​വ്, മ​യ​ക്കു​മ​രു​ന്ന്,​ പാ​ൻ​മ​സാ​ല തു​ട​ങ്ങി​യ​വ​യു​ടെ ക​ട​ത്ത്​ വ​ർ​ധി​ച്ച​താ​യാ​ണ്​ ക​ണ​ക്ക്.  വ​യ​നാ​ട്ടി​ലെ ചെ​റു​കി​ട വ്യാ​പാ​രി​ക​ൾ​ക്കെ​ല്ലാം പ്ര​യാ​സ​ങ്ങ​ളി​ല്ലാ​തെ സാ​ധ​ന​ങ്ങ​ൾ കൊ​ണ്ടു​വ​ന്ന് വ്യാ​പാ​രം ന​ട​ത്താ​നു​ള്ള സൗ​ക​ര്യ​മൊ​രു​ങ്ങി. എ​ന്നാ​ൽ, ജി.​എ​സ്.​ടി​യി​ൽ​നി​ന്ന് ഒ​ഴി​വാ​ക്കി​യ കോ​ഴി​യി​റ​ച്ചി​ക്ക് വി​ല കു​റ​യു​മെ​ന്നു ക​രു​തി​യ​ത് വെ​റു​തെ​യാ​യി. ജി​ല്ല​യി​ൽ കോ​ഴി​ക്ക് വി​ല ഉ​യ​ർ​ന്നു​ത​ന്നെ നി​ൽ​ക്കു​ന്നു. 

ആര്യങ്കാവിൽ ‘പടി’ നൽകിയാൽ പടികടക്കാം
പു​ന​ലൂ​ർ: സം​സ്​​ഥാ​ന​ത്തി​​​െൻറ പ്ര​ധാ​ന അ​തി​ർ​ത്തി​യാ​യ ആ​ര്യ​ങ്കാ​വി​ൽ നാ​ല്​ വാ​ണി​ജ്യ​നി​കു​തി ചെ​ക്ക്​​​പോ​സ്​​​റ്റു​ണ്ടാ​യി​രു​ന്നു. ദി​വ​സ​വും 1000ത്തോ​ളം ച​ര​ക്ക് വാ​ഹ​ന​ങ്ങ​ളാ​ണ് ഇ​തി​ലൂ​ടെ വ​ന്നി​രു​ന്ന​ത്. തൂ​ത്തു​ക്കു​ടി തു​റ​മു​ഖ​ത്തി​റ​ക്കു​ന്ന ത​ടി, കെ​ട്ടി​ട നി​ർ​മാ​ണ സാ​മ​ഗ്രി​ക​ൾ ഉ​ൾ​പ്പെ​ടെ പ്ര​ധാ​ന​മാ​യും കൊ​ണ്ടു​വ​ന്നി​രു​ന്ന​ത് ആ​ര്യ​ങ്കാ​വ് വ​ഴി​യാ​ണ്. 

രാ​പ്പ​ക​ൽ സ​ജീ​വ​മാ​യി​രു​ന്ന ഇ​വി​ട​ത്തെ വാ​ണി​ജ്യ​നി​കു​തി ഓ​ഫി​സ് ജി.​എ​സ്.​ടി ന​ട​പ്പാ​ക്കി​യ​തോ​ടെ അ​ട​ച്ചു​പൂ​ട്ടി. ച​ര​ക്ക്​ ക​ട​ത്തു​ന്ന​വ​രെ ‘സ​ഹാ​യി​ക്കാ​ൻ’ ചെ​ക്ക്​​​പോ​സ്​​റ്റ്​ കേ​ന്ദ്രീ​ക​രി​ച്ച് പ്ര​വ​ർ​ത്തി​ച്ച മാ​ഫി​യ പ​ഴ​ങ്ക​ഥ​യാ​യി. വാ​ണി​ജ്യ​നി​കു​തി അ​ധി​കൃ​ത​രു​മാ​യു​ള്ള വി​ല​പേ​ശ​ലി​ലും വ​ണ്ടി​ക്കാ​രു​ടെ​യും ഇ​ട​നി​ല​ക്കാ​രു​ടെ​യും തി​ര​ക്കി​ലു​മ​മ​ർ​ന്ന ആ​ര്യ​ങ്കാ​വ് ഇ​പ്പോ​ൾ ആ​ളൊ​ഴി​ഞ്ഞ പൂ​ര​പ്പ​റ​മ്പാ​ണ്.

അ​തേ​സ​മ​യം, ഇ​ത​ര സം​സ്ഥാ​ന​ത്തു​നി​ന്നെ​ത്തു​ന്ന ച​ര​ക്ക്​ പ​രി​ശോ​ധ​ന​യി​ല്ലാ​തെ നി​മി​ഷ​ങ്ങ​ൾ​ക്ക​കം ബാ​രി​ക്കേ​ഡി​​​െൻറ ത​ട​സ്സ​മി​ല്ലാ​തെ ക​ട​ന്നു​പോ​കു​ന്നു. നി​കു​തി ഒ​ടു​ക്കി​യ​തും അ​ല്ലാ​ത്ത​തു​മാ​യ വ​സ്​​തു​ക്ക​ൾ യ​ഥേ​ഷ്​​ടം ക​ട​ത്തു​ന്നു​ണ്ട്. മൂ​ന്നു​മാ​സം മു​മ്പ് ജി.​എ​സ്.​ടി സ്ക്വാ​ഡ് ര​ണ്ടു​ദി​വ​സം മേ​ഖ​ല​യി​ൽ പ​രി​ശോ​ധ ന​ട​ത്തി രേ​ഖ​ക​ളി​ല്ലാ​തെ ക​ട​ത്തി​യ സാ​ധ​ന​ങ്ങ​ൾ പി​ടി​ച്ചി​രു​ന്നു. ഇ​തി​നു​ശേ​ഷം കാ​ര്യ​മാ​യ പ​രി​ശോ​ധ​ന ഉ​ണ്ടാ​യി​ല്ല. അ​മി​ത അ​ള​വി​ൽ സാ​ധ​നം ക​ട​ത്തി​വ​രു​ന്ന​ത് ഇ​വി​ടെ​യു​ള്ള മോ​ട്ടോ​ർ​വെ​ഹി​ക്​​​ൾ ചെ​ക്ക്​​പോ​സ്​​റ്റി​ലെ പ​രി​ശോ​ധ​ന​യി​ൽ ക​ണ്ടെ​ത്തി​യാ​ലും ‘പ​ടി’ വാ​ങ്ങി ക​ട​ത്തി​വി​ടു​ക​യാ​ണ് പ​തി​വ്.

 

അ​ന​ക്ക​മ​റ്റ്​ കി​ളി​യ​ന്ത​റ
കണ്ണൂർ: ക​ർ​ണാ​ട​ക​യെ​യും ക​ണ്ണൂ​രി​നെ​യും ബ​ന്ധി​പ്പി​ക്കു​ന്ന മാ​ക്കൂ​ട്ടം ചു​രം​വ​ഴി ക​ഴി​ഞ്ഞ ഒ​രു​മാ​സ​മാ​യി വാ​ഹ​ന​ങ്ങ​ൾ പോ​കു​ന്നി​ല്ല. ചു​രം ഇ​ടി​ഞ്ഞ​തോ​ടെ​യാ​ണ്​ വാ​ഹ​ന ഗ​താ​ഗ​തം ത​ട​ഞ്ഞ​ത്. ക​ർ​ണാ​ട​ക​യി​ൽ​നി​ന്ന്​ ക​ണ്ണൂ​ർ ജി​ല്ല​യി​ലേ​ക്കു​ള്ള മു​ഖ്യ​വാ​ണി​ജ്യ ഇ​ട​നാ​ഴി​യാ​യി​രു​ന്നു ഇൗ ​ചു​രം. ജി​ല്ല​യി​ലെ ഏ​റ്റ​വും സ​ജീ​വ​മാ​യ വാ​ണി​ജ്യ ചെ​ക്ക്​​പോ​സ്​​റ്റാ​യ​ കി​ളി​യ​ന്ത​റ ​ പ്ര​വ​ർ​ത്തി​ച്ചി​രു​ന്ന​തും ഇൗ ​റൂ​ട്ടി​ൽ​ത​ന്നെ. കൂ​ട്ടു​പു​ഴ പാ​ല​ത്തി​നു മു​ന്നി​ലാ​ണ്​ കി​ളി​യ​ന്ത​റ ചെ​ക്ക്​​പോ​സ്​​റ്റ്. ച​ര​ക്കു​വാ​ഹ​ന​ങ്ങ​ളു​ടെ നീ​ണ്ട നി​ര​യു​ണ്ടാ​യി​രു​ന്ന കി​ളി​യ​ന്ത​റ ഒ​രു മി​നി വാ​ള​യാ​റാ​യി​രു​ന്നു. എ​ന്നാ​ൽ, ജി.​എ​സ്.​ടി ന​ട​പ്പാ​യ​തോ​ടെ കി​ളി​യ​ന്ത​റ​യു​ടെ ചി​റ​ക​റ്റു. ക​ണ്ണൂ​ർ ജി​ല്ല​യി​ൽ ച​ര​ക്കു​ക​ൾ പ​രി​ശോ​ധി​ക്കു​ന്ന​തി​ന്​ ഇ​പ്പോ​ൾ ആ​റ്​ സ്ക്വാ​ഡു​ക​ളാ​ണു​ള്ള​ത്. ഇ​വ​യി​ലൊ​ന്ന്​ കി​ളി​യ​ന്ത​റ​യി​ല​ും ഒ​ന്ന്​ ക​ണ്ണൂ​ർ റെ​യി​ൽ​വേ സ്​​ ​റ്റേ​ഷ​നി​ലു​മാ​ണു​ള്ള​ത്. ബാ​ക്കി നാ​ല്​ സ്​​ക്വാ​ഡു​ക​ളാ​ണ്​ വി​വി​ധ​യി​ട​ങ്ങ​ളി​ൽ പ​രി​ശോ​ധ​ന ന​ട​ത്തു​ന്ന​ത്. ചെ​ക്ക്​​പോ​സ്​​റ്റു​ക​ൾ ഇ​ല്ലാ​താ​യ​േ​താ​ടെ ജീ​വ​ന​ക്കാ​രെ പു​ന​ർ​വി​ന്യ​സി​ക്കു​മെ​ന്ന്​ പ​റ​ഞ്ഞി​രു​ന്നു​വെ​ങ്കി​ലും വി​ന്യാ​സം പൂ​ർ​ണ​മാ​യി​ട്ടി​ല്ല. 

ഉൗ​ടു​വ​ഴി​ക​ളും വേ​ണ്ട; ക​ട​ത്ത്​ സു​താ​ര്യം
കാസർകോഡ്​: ച​ര​ക്കു സേ​വ​ന നി​കു​തി ന​ട​പ്പാ​യ ഒ​രു വ​ർ​ഷം ക​ള്ള​ക്ക​ട​ത്തി​ന്​ ഉ​ടു​വ​ഴി​ക​ൾ വേ​ണ്ടി​വ​ന്നി​ല്ല; മ​റി​ച്ച്​  ദേ​ശീ​യ​പാ​ത 17 ത​ന്നെ തു​റ​ന്നു​കി​ട​ക്കു​ക​യാ​യി​രു​ന്നു. ക​ർ​ണാ​ട​ക​യി​ൽ​നി​ന്നു​ള്ള വ​ഴി​യി​ൽ ജി​ല്ല​യി​ൽ 12 ചെ​ക്ക്​​പോ​സ്​​റ്റു​ക​ളാ​ണു​ള്ള​ത്. 11 എ​ണ്ണം ഉ​ൾ​നാ​ടു​ക​ളി​ലൂ​ടെ​യാ​ണ്.  മ​ഞ്ചേ​ശ്വ​രം ചെ​ക്ക്​ പോ​സ്​​റ്റ്​ ശ​ക്​​ത​മാ​യ​തി​നാ​ൽ 2017 ജൂ​ൺ 30 വ​രെ ദേ​ശീ​യ​പാ​ത വ​ഴി​യു​ള്ള ക​ള്ള​ക്ക​ട​ത്തി​ന്​ അ​ധി​ക​മാ​രും ധൈ​ര്യ​പ്പെ​ടു​മാ​യി​രു​ന്നി​ല്ല. ആ​ദു​ർ, പെ​ർ​ല, മാ​ണി​മൂ​ല, പ​ന​ത്ത​ടി, ചെ​േ​മ്പ​രി, പാ​ത്തോ​ടി, ബേ​രി​ക്ക, ബാ​യാ​ർ, നാ​ട്ട​ക്ക​ല്ല്, സ്വ​ർ​ഗ, ഏ​വ​ന്തൂ​ർ എ​ന്നീ ചെ​റു​കി​ട ചെ​ക്ക്​​പോ​സ്​​റ്റു​ക​ളി​ലൂ​ടെ​യാ​ണ്​ ക​ള്ള​ക്ക​ട​ത്ത്​ ‘സു​താ​ര്യ​മാ​യി’ ന​ട​ന്ന​ത്. ഡി​സം​ബ​ർ ഒ​ന്നു​മു​ത​ൽ ചെ​ക്ക്​​ ​േപാ​സ്​​റ്റു​ക​ൾ ഇ​ല്ലാ​താ​വു​ക​യും  ഇ-​വേ ബി​ല്ലും  ഒാ​ൺ​ലൈ​ൻ സം​വി​ധാ​ന​വും പ്ര​യോ​ഗി​ക​മാ​യി ന​ട​പ്പാ​കാ​തി​രി​ക്കു​ക​യും ചെ​യ്​​ത​തോ​ടെ ച​ര​ക്ക്​ ക​ട​ത്ത്​​ പ​രി​േ​ശാ​ധ​ന​ക​ളി​ല്ലാ​തെ ന​ട​ന്നു.  ച​ര​ക്ക്​ പു​റ​പ്പെ​ടു​ന്ന കേ​ന്ദ്ര​ത്തി​ൽ​നി​ന്നും ഇ-​വേ ബി​ൽ ല​ഭ്യ​മാ​യ​ത്​ ജി.​എ​സ്.​ടി ന​ട​പ്പാ​യി 10 മാ​സം ക​ഴി​ഞ്ഞ്​ 2018 ഏ​പ്രി​ൽ ഒ​ന്നു​മു​ത​ലാ​ണ്. 

വ​ഴി​ക്ക​ട​വി​ലൂ​െ​ട നി​ർ​ഭ​യം 
നി​ല​മ്പൂ​ർ: കേ​ര​ള ത​മി​ഴ്നാ​ട് അ​തി​ർ​ത്തി​യാ​യ വ​ഴി​ക്ക​ട​വി​ലെ വാ​ണി​ജ‍്യ​നി​കു​തി ചെ​ക്ക്പോ​സ്​​റ്റ്​ എ​ടു​ത്തു​ക​ള​ഞ്ഞ​തോ​ടെ ഇ​തു​വ​ഴി നി​കു​തി​വെ​ട്ടി​ച്ച്​ വാ​ഹ​ന​ങ്ങ​ൾ നി​ർ​ബാ​ധം എ​ത്തു​ന്നു. ചെ​ക്ക്പോ​സ്​​റ്റ്​ പ്ര​വ​ർ​ത്തി​ച്ചി​രു​ന്ന സ​മ​യ​ത്ത് ശ​രാ​ശ​രി ദി​വ​സേ​ന 300ഒാ​ളം ച​ര​ക്ക് വാ​ഹ​ന​ങ്ങ​ളാ​ണ് ക​ട​ന്നു പോ​യി​രു​ന്ന​ത്. നി​കു​തി​യി​ല്ലാ​ത്ത പ​ച്ച​ക്ക​റി ഒ​ഴി​കെ​യു​ള്ള ച​ര​ക്ക് വാ​ഹ​ന​ങ്ങ​ളു​ടെ ക​ണ​ക്കാ​ണി​ത്. ജി.​എ​സ്.​ടി വ​ന്ന​തോ​ടെ​യാ​ണ് ആ​ന​മ​റി​യി​ൽ ഉ​ണ്ടാ​യി​രു​ന്ന  വാ​ണി​ജ‍്യ​നി​കു​തി ചെ​ക്ക്പോ​സ്​​റ്റ്​ പൂ​ർ​ണ​മാ​യും എ​ടു​ത്തു ക​ള​ഞ്ഞ​ത്. നേ​ര​ത്തെ, ഇ​വി​ടെ പേ​രി​നെ​ങ്കി​ലും ന​ട​ന്നി​രു​ന്ന വാ​ഹ​ന​പ​രി​ശോ​ധ​ന പാ​ടേ ഇ​ല്ലാ​താ​യ​തോ​ടെ ക​ള്ള​ക​ട​ത്തു​കാ​ർ​ക്ക് കെ.​എ​ൻ.​ജി റോ​ഡ് ഇ​ഷ്​​ട റൂ​ട്ടാ​യി മാ​റി. ക​ർ​ണാ​ട​ക​യി​ൽ​നി​ന്നു​ള്ള സ്പി​രി​റ്റ് ഇ​റ​ക്കു​മ​തി ഏ​റെ​യും ഇ​തിലൂടെയാ​ണെ​ന്നും ഇ​ൻ​റ​ലി​ജ​ൻ​സി‍​​െൻറ റി​പ്പോ​ർ​ട്ടു​ണ്ട്.

ക​മ്പം​മെ​ട്ട്​; തി​രി​ച്ചി​റ​ങ്ങു​ന്ന​ത്​​ ല​ഹ​രി 
നെ​ടു​ങ്ക​ണ്ടം (ഇ​ടു​ക്കി): ഏ​ലം ക​ള്ള​ക്ക​ട​ത്തി​ന്​ ഏ​താ​ണ്ട്​ അ​വ​സാ​ന​മാ​യി. എ​ന്നാ​ൽ, ചെ​ക്ക്​​പോ​സ്​​റ്റു​ക​ളു​ടെ അ​ഭാ​വ​ത്തി​ൽ ത​മി​ഴ്​​നാ​ട്ടി​ൽ​നി​ന്ന്​ ല​ഹ​രി​വ​സ്​​തു​ക്ക​ളു​ടെ കു​ത്തൊ​ഴു​ക്ക്.  ജി.​എ​സ്.​ടി വ​ന്ന​േ​താ​ടെ സം​സ്ഥാ​ന അ​തി​ർ​ത്തി​യി​ൽ ക​മ്പം​മെ​ട്ട് ചെ​ക്ക്​​പോ​സ്​​റ്റി​ലെ കാ​ഴ്​​ച ഇ​താ​ണ്. വാ​ണി​ജ്യ നി​കു​തി ചെ​ക്ക്​​പോ​സ്​​റ്റാ​ണ്​ പ്ര​ധാ​ന​മാ​യും നീ​ക്കം​ചെ​യ്​​ത​ത്. കേ​ര​ള​ത്തി​നും ത​മി​ഴ്നാ​ടി​നും ഇ​വി​ടെ മ​റ്റ്​ വ​കു​പ്പു​ക​ളു​ടെ ​െച​ക്ക്​​പോ​സ്​​റ്റു​ക​ൾ ഇ​പ്പോ​ഴു​മു​ണ്ട്. എ​ന്നാ​ൽ, ജി​ല്ല​യി​ൽ ഇ​പ്പോ​ൾ ഏ​റ്റ​വും കൂ​ടു​ത​ൽ ക​ള്ള​ക്ക​ട​ത്ത്​ ന​ട​ക്കു​ന്ന​തി​വി​ടെ​യാ​ണ്. ജി.​എ​സ്.​ടി ന​ട​പ്പാ​യ​തോ​ടെ പ​രി​ശോ​ധ​ന​യി​ൽ കാ​ർ​ക്ക​ശ്യം കു​റ​ഞ്ഞ​താ​ണ്​ പ്ര​ശ്​​നം. കേ​ര​ള​ത്തി​ൽ​നി​ന്ന്​ സു​ഗ​ന്ധ​വ്യ​ഞ്ജ​ന​ങ്ങ​ൾ യ​ഥേ​ഷ്​​ടം അ​തി​ർ​ത്തി ക​ട​ക്കു​ന്നു. ച​ന്ദ​നം, ഏ​ലം, കു​രു​മു​ള​ക്, എ​ട​ന​ത്തൊ​ലി എ​ന്നി​ങ്ങ​നെ. എ​ന്നാ​ൽ, കേ​ര​ള​ത്തി​ലേ​ക്ക്​ വ​രു​ന്ന​ത്​ ക​ഞ്ചാ​വ്, മ​യ​ക്കു​മ​രു​ന്ന്, നി​രോ​ധി​ത കീ​ട​നാ​ശി​നി​ക​ൾ, മ​രു​ന്നു​ക​ൾ തു​ട​ങ്ങി​യ​വ​യാ​ണ്. 
 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Check postmalayalam newsE-way BillGST@1
News Summary - GST issue in checkpost-Business news
Next Story