ജി.എസ്​.ടി കൗൺസിൽ ഇന്ന്​; പ്രതീക്ഷയോടെ റിയൽ എസ്​റ്റേറ്റും ചെറുകിട വ്യവസായ മേഖലയും

12:32 PM
10/01/2019
GST

ന്യൂഡൽഹി: ജി.എസ്​.ടി കൗൺസിലി​​െൻറ 32ാമത്​ യോഗം വ്യാഴാഴ്​ച നടക്കും. റിയൽ എസ്​റ്റേറ്റ്​, ചെറുകിട-ഇടത്തരം വ്യവസായ മേഖലകൾ എന്നിവയെ സംബന്ധിച്ച്​ കൗൺസിലിൽ നിർണായക തീരുമാനം ഉണ്ടാകുമെന്നാണ്​ പ്രതീക്ഷ. സേവന മേഖലക്കുള്ള കോംപോസിഷൻ സ്​കീമി​​െൻറ പ്രഖ്യാപനവും ഇന്നുണ്ടാകും. കേരളത്തിലെ പ്രളയ സെസുമായി ബന്ധപ്പെട്ടും ചർച്ചകൾ നടക്കും.

ജി.എസ്​.ടി മൂലം പ്രതിസന്ധിയിലായ ചെറുകിട-ഇടത്തരം വ്യവസായങ്ങൾക്ക്​ കൂടുതൽ ഇളവുകൾ അനുവദിക്കുന്നതുമായി ബന്ധപ്പെട്ടാവും പ്രധാന ചർച്ച. നിലവിൽ 20 ലക്ഷം വരെ വിറ്റുവരവുള്ള ചെറുകിട ഇടത്തരം വ്യവസായ സ്ഥാപനങ്ങളെ ജി.എസ്​.ടിയിൽ നിന്ന്​ ഒഴിവാക്കിയിട്ടുണ്ട്​. ഇൗ പരിധി ഉയർത്തുമെന്നാണ്​ സൂചന. പക്ഷേ, ഇതുമായി ബന്ധപ്പെട്ട്​ സംസ്ഥാനങ്ങൾക്കിടയിൽ തർക്കങ്ങളുണ്ട്​. അത്​ കൂടി പരിഗണിച്ച്​ മാത്രമേ അന്തിമതീരുമാനം കൗൺസിൽ എടുക്കുകയുള്ളു. റിയൽ എസ്​റ്റേറ്റ്​ മേഖലയുടെ ജി.എസ്​.ടി കുറക്കുന്നതുമായി ബന്ധപ്പെട്ടും ചർച്ചകൾ ഉണ്ടാവും. 

സേവന മേഖലക്കായി കോംപോസിഷൻ സ്​കീം അവതരിപ്പിക്കുമെന്നും സൂചനയുണ്ട്​. നിലവിൽ നിർമാണ മേഖലക്കും വ്യാപാരികൾക്കുമാണ്​ കോംപോസിഷൻ സ്​കീം ഉള്ളത്​​. ഇത്​ സേവന മേഖലയിലേക്ക്​ കൂടി വ്യാപിപ്പിക്കാനാവും തീരുമാനം. പ്രളയം മൂലം പ്രതിസന്ധിയിലായ കേരളത്തെ കരകയറ്റുന്നതിനായി ഒരു ശതമാനം പ്രളയസെസ്​ പിരിക്കാനുള്ള തീരുമാനത്തിനും കൗൺസിൽ അംഗീകാരം നൽകും.

Loading...
COMMENTS