സാമ്പത്തിക വളർച്ചയിൽ ഇടിവ്​; നോട്ട്​ പിൻവലിക്കൽ മൂലമല്ലെന്ന്​ കേന്ദ്രസർക്കാർ

മുംബൈ: രാജ്യത്തെ സാമ്പത്തിക വളർച്ച നിരക്ക്​ മൂന്ന്​ വർഷത്തിനിടയിലെ ഏറ്റവും താഴ്​ന്ന നിലയിൽ എത്തുമെന്ന്​​ കേന്ദ്ര സർക്കാർ. ​നോട്ട്​ പിൻവലിക്കൽ മൂലം സാമ്പത്തിക രംഗത്ത്​ ഉണ്ടായിട്ടുള്ള പ്രശ്​നങ്ങൾ പരിഗണിക്കാതെയുള്ള കണക്കുകളാണ്​ സർക്കാർ ഇപ്പോൾ പുറത്ത്​ വിട്ടിരിക്കുന്നത്​. നോട്ട്​ പിൻവലിക്കൽ രാജ്യത്തെ സാമ്പത്തിക രംഗത്ത്​ ഒരു പ്രത്യാഘാതവും ഉണ്ടാക്കിയില്ലെന്ന നിലപാടിലാണ്​ കേന്ദ്ര സർക്കാർ. വളർച്ച നിരക്ക്​ കുറയുന്നത്​ സ്വഭാവികമാണെന്നാണ്​ കേന്ദ്രസർക്കാറി​െൻറ വാദം.

ആകെ ആഭ്യന്തര ഉൽപ്പാദനം 7.1 ശതമാനത്തിലേക്ക്​ ചുരുങ്ങുമെന്നാണ്​ കേന്ദ്രസർക്കാർ കണക്കാക്ക​​ുന്നത്​. എന്നാൽ 18 സാമ്പത്തിക വിദഗ്​ധരുടെ സഹയാത്തോടെ ബ്ലുബർഗ് നടത്തിയ സർവേയിൽ വളർച്ച നിരക്ക്​ 7 ശതമനാത്തിനും താ​ഴെയെത്തുമെന്നാണ്​ കണക്കാക്കുന്നത്​. കഴിഞ്ഞ വർഷം 7.7 ശതമാനം വരെയായിരുന്നു വളർച്ച നിരക്ക്​.

നവംബർ 8ാം തിയ്യതിയാണ്​ 500, 1000 രൂപയുടെ നോട്ടുകൾ കേന്ദ്രസർക്കാർ അസാധുവാക്കിയത്​. തീരുമാനം രാജ്യത്തെ സാമ്പത്തിക  മേഖലയെ ബാധിച്ചിരുന്നു. റിയൽ എസ്​റ്റേറ്റ്​, കാർഷിക മേഖല, വ്യവസായ മേഖല എന്നിവയിൽ  ഇൗ വർഷം ഉയർന്ന വളർച്ച നിരക്ക്​ സർക്കാർ ലക്ഷ്യമിട്ടിരുന്നു. എന്നാൽ നോട്ട്​ പിൻവലിക്കലി​െൻറ പശ്​ചാത്തലത്തിൽ ഇത്​ സാധ്യമാവില്ലെന്നാണ്​ സാമ്പത്തിക രംഗത്തെ വിദഗ്​ധരുടെ പക്ഷം.