Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightBusinesschevron_rightBiz Newschevron_rightസ്വർണവില കുറയുന്നു;...

സ്വർണവില കുറയുന്നു; കാരണമെന്ത്​?

text_fields
bookmark_border
സ്വർണവില കുറയുന്നു; കാരണമെന്ത്​?
cancel

ന്യൂഡൽഹി: സ്വർണവിലയിൽ കഴിഞ്ഞയാഴ്​ചയുണ്ടായ കുറവ്​ നിക്ഷേപകരെ സംബന്ധിച്ചിടത്തോളം​ അപ്രതീക്ഷിത സംഭവമായിരുന്നു. എന്നാൽ, ഇത്​ പ്രതീക്ഷിച്ചതാണെന്നാണ്​ ഈ രംഗത്തെ വിദഗ്​ധർ പറയുന്നത്​. ലോക്​ഡൗണിൽ നിന്ന്​ ലോക രാജ്യങ്ങളിലെ സമ്പദ്​വ്യവസ്ഥകൾ കരകയറുന്നതാണ്​ സ്വർണവിലയെ സ്വാധീനിക്കുന്ന പ്രധാനഘടകം.

കഴിഞ്ഞ ദിവസം എം.സി.എക്​സ്​ എക്​സ്​ചേഞ്ചിൽ 10 ഗ്രാം സ്വർണത്തി​​െൻറ വില ആയിരം രൂപ കുറഞ്ഞ്​ 45,732 രൂപയിൽ എത്തിയിരുന്നു. രണ്ട്​ ശതമാനത്തി​​െൻറ കുറവാണ്​ രേഖപ്പെടുത്തിയത്​. 

അതേസമയം, വലിയൊരു കുറവ്​ സ്വർണവിലയിൽ പ്രതീക്ഷിക്കരുതെന്നും വിദഗ്​ധർ മുന്നറിയിപ്പ്​ നൽകുന്നു. ഡോളറി​​​െൻറ മൂല്യം കുറയുന്നതും യു.എസ്​-ചൈന വ്യാപാര ബന്ധത്തിലെ പ്രശ്​നങ്ങളും ഭാവിയിൽ സ്വർണ വിലയെ സ്വാധീനിച്ചേക്കാം. എങ്കിലും ഇപ്പോൾ സ്വർണനിക്ഷേപത്തിൽ നിന്ന്​ ചെറിയ തോതിൽ ലാഭമെടുക്കാമെന്നും വിദഗ്​ധർ വ്യക്​തമാക്കുന്നു.

സമ്പദ്​വ്യവസ്ഥകൾ വേഗത്തിൽ തിരിച്ചുവരുമെന്ന പ്രതീക്ഷയാണ്​ സ്വർണത്തി​​​െൻറ തിരിച്ചടിക്കുള്ള പ്രധാന കാരണം​. യു.എസ്​ തൊഴിലില്ലായ്​മ നിരക്ക്​ കുറഞ്ഞതും ഏഷ്യൻ സമ്പദ്​വ്യവസ്ഥകളിൽ ഉണർവുണ്ടായതും ചില നിക്ഷേപക​രെയെങ്കിലും സ്വർണത്തിൽ നിന്ന്​ മാറി ചിന്തിക്കാൻ പ്രേരിപ്പിക്കുന്നുണ്ട്​. 

വരും ദിവസങ്ങളിൽ പല സമ്പദ്​വ്യവസ്ഥകളും തുറക്കുന്നത്​ സ്വർണവിലയെ വീണ്ടും സ്വാധീനിക്കുമെന്നാണ്​ വിലയിരുത്തൽ. എന്നാൽ, കോവിഡ് വൈറസ്​​ രാജ്യങ്ങളിൽ ശക്​തമാവുകയും യു.എസ്​-ചൈന ബന്ധം ഇനിയും വഷളാവുകയും ചെയ്​താൽ സ്വർണവിലയിലും അത്​ കാര്യമായി പ്രതിഫലിക്കും.

Show Full Article
TAGS:lockdown gold price business news malayalam news 
Next Story