Begin typing your search above and press return to search.
proflie-avatar
Login
exit_to_app
exit_to_app
Homechevron_rightBusinesschevron_rightBiz Newschevron_rightപൊന്നും വിലക്കുള്ള...

പൊന്നും വിലക്കുള്ള കാരണങ്ങൾ ഇതാണ്​...

text_fields
bookmark_border
gold-liquid-240819.jpg
cancel

ഇന്ത്യയിൽ സ്വർണവില റെക്കോർഡുകൾ ഭേദിച്ച്​ മുന്നേറുകയാണ്​ . ആഗോളവിപണിയിലും അനുദിനം വില ഉയരുന്നു​. കൊവിഡ്​ -1 9 (​കൊറോണ) സംബന്ധിച്ച്​ ഉയർന്ന ആശങ്കകളാണ്​ സ്വർണവിലയിൽ കാര്യമായ സ്വാധീനം ചെലുത്തുന്നത്​. ലോകത്തിലെ പല സമ്പദ ്​വ്യവസ്ഥകളും സാമ്പത്തിക പ്രതിസന്ധിയെ അഭിമുഖീകരിക്കുന്നുവെന്ന റിപ്പോർട്ടുകളും പുറത്ത്​ വരുന്നുണ്ട്​. ഇതെ ല്ലാം സ്വർണവിലയിൽ ഉയരുന്നതിന്​ കാരണമായി​.

കോവിഡ്​ -19 ചൈനക്ക്​ പുറത്തേക്ക്​
കോവിഡ്​ -19(കൊറോണ) വ ൈറസ്​ ബാധ ചൈനയുടെ പുറത്തേക്കും വ്യാപിക്കുന്നത്​ നിക്ഷേപകരിൽ വലിയ ആശങ്കക്കിടയാക്കിയിട്ടുണ്ട്​. ചൈനയിൽ ഇതുവര െ 2700 ജീവനുകൾ കോവിഡ്​ -19 കവർന്നു കഴിഞ്ഞു. ഇറാഖ്, അഫ്ഗാനിസ്താൻ, ലെബനാൻ, കുവൈറ്റ്, ബഹ്റൈൻ, ഒമാൻ, യു.എ.ഇ, കാനഡ, ദക്ഷിണകൊറിയ തുടങ്ങി പല രാജ്യങ്ങളിലും കോവിഡ്​ -19 സ്ഥിരീകരിച്ചിട്ടുണ്ട്​. രോഗം സ്ഥിരീകരിച്ച രാജ്യങ്ങളിലെ ഓഹരി വിപണിക​െളല്ലാം നഷ്​ടത്തിലാണ്​ വ്യാപാരം നടത്തുന്നത്​. ചൈനക്ക്​ പുറത്ത്​ രോഗബാധ രൂക്ഷമായ ദക്ഷിണകൊറിയയിലെ കോസ്​പി സൂചിക കഴിഞ്ഞ കുറേ ദിവസങ്ങളിലായി നഷ്​ടത്തിലാണ്​ ക്ലോസ്​ ചെയ്തത്​​. ഇതുപോലെ തന്നെയാണ്​ മറ്റ്​ രാജ്യങ്ങളി​ലേയും സ്ഥിതി. എല്ലായിടത്തും ഓഹരി വിപണികൾ നഷ്​ടത്തിൽ ക്ലോസ്​ ചെയ്യുന്നു​. ചൈനയിൽ മാത്രം ഒതുങ്ങി നിന്ന വൈറസ്​ബാധ മറ്റ്​ രാജ്യങ്ങളിലേക്ക്​ കൂടി എത്തിയതോടെ ലോകത്താകമാനം പടർന്നു പിടിക്കുന്ന പകർച്ചവ്യാധിയായി ഇതുമാറുമോയെന്ന ആശങ്ക എല്ലാവരിലും ഉണ്ടായി. ഇതോടെ നിക്ഷേപകർ കൂടുതൽ സുരക്ഷിതമായ സ്വർണത്തിലേക്ക്​ തിരിയുകയും തൽഫലമായി വില ഉയരുകയായിരുന്നു.

മുന്നറിയിപ്പുമായി ഐ.എം.എഫും സാമ്പത്തിക വിദഗ്​ധരും
വൈറസ്​ രൂക്ഷമായതോടെ ആഗോളതലത്തിൽ പല രാജ്യങ്ങളിലേയും സാമ്പത്തിക വളർച്ച കുറയുമെന്ന്​ ഐ.എം.എഫ്​ മുന്നറിയിപ്പ്​ നൽകിയിരുന്നു. വൈറസ്​ അതിവേഗം പടരുന്ന സാഹചര്യത്തിലായിരുന്നു മുന്നറിയിപ്പ്​. ഇതിന്​ പുറമേ പല ബ്രോക്കറേജ്​ സ്ഥാപനങ്ങളും ഉപഭോഗം കുറഞ്ഞത്​ മൂലം രാജ്യങ്ങളിൽ പ്രതിസന്ധിയുണ്ടാകുമെന്ന മുന്നറിയിപ്പുകളും നൽകി. ​ആഗോള ടെക്​ ഭീമനായ ആപ്പിളും അവരുടെ ഈ വർഷത്തെ ലാഭത്തിൽ കുറവുണ്ടാകുമെന്ന്​ വ്യക്​തമാക്കിയിരുന്നു. ഇതോടെ ഇക്വിറ്റി മാർക്കറ്റുകളിൽ നിക്ഷേപിച്ചാൽ സാമ്പത്തികമായി മെച്ചമുണ്ടാകില്ലെന്ന്​ നിക്ഷേപകർ വിലയിരുത്തി. ഇതോടെ വലിയ രീതിയിൽ സ്വർണത്തിലേക്ക്​ പണമെത്തുകയും വില ഉയരുകയുമായിരുന്നു.

രൂപയുടെ തകർച്ച
വിനിമയ നിരക്കിലുണ്ടാവുന്ന വ്യതിയാനങ്ങൾ ഇന്ത്യൻ വിപണിയിൽ സ്വർണത്തി​​െൻറ വിലയെ കാര്യമായി സ്വാധീനിക്കുന്നുണ്ട്​. ഇന്ത്യയിലേക്കുള്ള സ്വർണത്തി​​െൻറ വലിയൊരു ശതമാനവും ഇറക്കുമതി ചെയ്യുകയാണ്​​. ഡോളറുമായുള്ള രൂപയുടെ വിനിമയ മൂല്യം ഇടിഞ്ഞാൽ അത്​ സ്വർണ ഇറക്കുമതി ചെലവേറിയതാക്കും. കഴിഞ്ഞ കുറേ ദിവസങ്ങളിലായി രൂപക്കെതിരെ ഡോളർ കരുത്താർജിക്കുകയാണ്​. ഇതോടെ സ്വർണ ഇറക്കുമതി കൂടുതൽ ചെലവേറിയതായി മാറി​. ഇതും സ്വർണവിലയിൽ കാര്യമായ മാറ്റങ്ങൾ സൃഷ്​ടിക്കുന്നുണ്ട്​.

പലിശനിരക്കുകൾ കുറയുന്നത്​
ചൈന, യു.എസ്​ തുടങ്ങിയ സമ്പദ്​വ്യവസ്ഥകളിലും പ്രതിസന്ധിയുണ്ടെന്ന സൂചനകൾ നൽകി ​ഈ രാജ്യങ്ങളിലെ കേന്ദ്രബാങ്കുകൾ പലിശ നിരക്കുകൾ കുറച്ചതും സ്വർണവിലയെ സ്വാധീനിക്കുന്നുണ്ട്​. ചൈനയിലെ കേന്ദ്രബാങ്കായ പീപ്പിൾസ്​ ബാങ്ക്​ ഓഫ്​ ചൈന 4.11 ശതമാനത്തിൽ നിന്ന്​ 4.05 ശതമാനമായി പലിശനിരക്ക്​ കുറച്ചിരുന്നു. അമേരിക്കൻ കേന്ദ്രബാങ്കായ ഫെഡ്​ റിസർവും പലിശനിരക്കിൽ 75 ബേസിക്​ പോയി​​െൻറ കുറവ്​ വരുത്തി. ഉപഭോഗം വർധിപ്പിക്കാനായാണ്​ പലിശനിരക്കുകൾ കുറച്ചതെന്ന്​ വ്യക്​തമായിരുന്നു. ഇത്​ നിക്ഷേപകരെ കരുതലെടുക്കാൻ പ്രേരിപ്പിച്ചു. നിക്ഷേപങ്ങൾ ചുരുങ്ങിയ കാലത്തേക്കെങ്കിലും സുരക്ഷിതമായ സ്ഥലത്ത്​ സൂക്ഷിക്കാൻ നിർബന്ധിതരായി. ഇതും സ്വർണവിലയെ സ്വാധീനിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:business newsprice hikemalayalam newscorona virusGold Rate
News Summary - Gold price issue-Business news
Next Story