ഇന്ത്യയുടെ ജി.ഡി.പി വളർച്ച നിരക്കിൽ കുറവ്​

ന്യൂഡൽഹി: സാമ്പത്തിക വർഷത്തി​​​െൻറ നാലാം പാദത്തിൽ ഇന്ത്യയുടെ  ആഭ്യന്തര ഉൽപാദന വളർച്ച നിരക്കിൽ കുറവ്​. 6.1 ശതമാനമാണ്​ നാലാം പാദത്തിലെ ഇന്ത്യയുടെ ജി.ഡി.പി വളർച്ച നിരക്ക്​. ഒക്​ടോബർ-ഡിസംബർ മാസത്തിൽ അവസാനിപ്പിച്ച സാമ്പത്തിക വർഷത്തി​​​െൻറ മൂന്നാം പാദത്തിൽ 7 ശതമാനമായിരുന്നു വളർച്ച. 

2016-2017 സാമ്പത്തിക വർഷത്തി​ൽ 7.1 ശതമാനമാണ്​ ഇന്ത്യയുടെ ആകെ  ജി.ഡി.പി വളർച്ച നിരക്ക്​. മുൻവർഷങ്ങളുമായി താരത്മ്യം ചെയ്യു​​േമ്പാൾ സാമ്പത്തിക വളർച്ച ഇൗ വർഷം കുറവാണ്​. നോട്ട്​ നിരോധനമാണ്​ സാമ്പത്തിക രംഗത്തിന്​ തിരിച്ചടിയായതെന്നാണ്​ റിപ്പോർട്ടുകൾ.  

മൂന്ന്​ വർഷം പുർത്തിയാക്കുന്ന നരേന്ദ്ര മോദി സർക്കാറിന്​ ഒട്ടും ആശ്വാസം പകരുന്നതല്ല ജി.ഡി.പി വളർച്ച നിരക്കുകൾ. മോദി സർക്കാർ നടപ്പിലാക്കിയ സാമ്പത്തിക നയങ്ങൾ സമ്പദ്​വ്യവസ്ഥക്ക്​ തിരിച്ചടിയായെന്ന്​ സൂചനകളാണ്​ പുതിയ കണക്കുകൾ നൽകുന്നത്​​. എന്നാൽ ജൂലൈയിൽ ജി.എസ്​.ടി നടപ്പിലാകുന്നതോടെ സാമ്പത്തിക രംഗത്ത്​ ഉണർവുണ്ടാകുമെന്നാണ് സർക്കാറി​​​െൻറ​ പ്രതീക്ഷ.

നാലാം പാദത്തിൽ കൃഷി, വനം, മൽസ്യ മേഖല എന്നിവയിൽ 5.2 ശതമാനം വളർച്ച നിരക്കാണ്​ രേഖപ്പെടുത്തിയത്​. ഖനി–ക്വാറി സെക്​ടറിൽ 6.4 ശതമാനം വളർച്ച രേഖപ്പെടുത്തിയപ്പോൾ ഇലക്​ട്രിസിറ്റി, ഗ്യാസ്​ തുടങ്ങിയ മേഖലയിൽ 6.1 ശതമാനമാണ്​ വളർച്ച നിരക്ക്​.