ഡെയ്​ലി ഹണ്ടി​െൻറ പ്രസിഡൻറായി മുൻ ഫേസ്​ബുക്ക്​ ഇന്ത്യ മേധാവി 

മുംബൈ: ഫേസ്​ബുക്ക്​ ഇന്ത്യയുടെ മേധാവിയും ഉത്തരേഷ്യൻ മാനേജിങ്​ ഡയറക്​ടറുമായിരുന്ന ഉമങ്​ ബേദി പ്രദേശിക ഭാഷാ വാർത്താ ആപ്ലിക്കേഷനായ ഡെയ്​ലി ഹണ്ടി​​െൻറ ​പ്രസിഡൻറായി ചുമതലയേറ്റു.  പ്രദേശിക ഭാഷയിൽ ഇൻറർനെറ്റ്​ ഉപയോക്​താക്കളുടെ എണ്ണം ഗണ്യമായി വളർന്ന സാഹചര്യത്തിലാണ്​ ഡെയ്​ലി ഹണ്ടിലേക്കുള്ള ബേദിയുടെ കടന്നു വരവ്​. 

പ്രദേശിക മേഖലയിൽ എന്തെങ്കിലും ചെയ്യണമെന്ന ആഗ്രഹത്തിലായിരുന്നു ഫേസ്​ബുക്കിൽ നിന്നും ഇറങ്ങിയത്​. ഇന്ത്യൻ സംരംഭമായ ഡെയ്​ലി ഹണ്ട്​ അതിനുള്ള മികച്ച അവസരമാണെന്നും അഭിമുഖത്തിൽ ബേദി പ്രതികരിച്ചു.

15.5 കോടിയോളം പേർ ഡൈലി ഹണ്ടി​​െൻറ ആപ്ലിക്കേഷൻ ഇൻസ്​റ്റാൾ ചെയ്​തിട്ടുണ്ടെന്നും ലൈസൻസുള്ള 800 പബ്ലിക്കേഷൻസി​​​െൻറ വാർത്തകൾ 14 ഭാഷകളിലായി ഡൈലി ഹണ്ട്​ നൽകിവരുന്നുണ്ടെന്നും അദ്ദേഹം പറഞ്ഞു. ഡീപ്​ ലേർണിങ്​, മെഷീൻ ലേർണിങ്​ തുടങ്ങിയ സംവിധാനത്തിലൂടെയുള്ള പ്രോപർട്ടി അൽഗൊരിതം ഉപയോഗിച്ചാണ്​ ഡൈലി ഹണ്ട്​ വാർത്തകൾ നൽകുന്ന​െതന്നും ബേദി കൂട്ടിച്ചേർത്തു. 

ബംഗുളൂരുവിലുള്ള മൊബൈൽ കൺസ്യൂമർ പ്രൊഡക്​ടസ്​ ആൻഡ്​ സൊല്യൂഷൻസ്​ കമ്പനിയുടെ കീഴിലുള്ള വാർത്താ കണ്ടൻറ്​ ആപ്പാണ്​ ഡെയ്​ലി ഹണ്ട്​. മെട്രിക്​സ്​ പാർട്​നേർസ്​ ഇന്ത്യ, സെക്വോയ, ഒമിദ്യാർ നെറ്റ്​വർക്​, ഫാൽകൺ എഡ്​ജ്​, ബൈറ്റ്​ഡാൻസ്​ എന്നിവർ​ കമ്പനിയുടെ നിക്ഷേപകരാണ്​. ​