ട്രപി​െൻറ വിമർശനം; ഫോർഡ്​ മെക്​സികോയിലെ കാർ നിർമാണ പദ്ധതി ഉപേക്ഷിച്ചു

ന്യൂയോർക്ക്​:  പ്രമുഖ കാർ നിർമാതാക്കളായ ഫോർഡ്​ മെക്​സികോയിലെ പുതിയ കാർ നിർമാണശാലയുടെ പ്രവർത്തനങ്ങൾ ​ അവസാനിപ്പിച്ചു. മെക്​സ്​കോയിൽ പ്ലാൻറ്​ തുടങ്ങാനുള്ള ഫോർഡി​െൻറ നീക്കത്തിനെതിരെ നിയുക്​ത അമേരിക്കൻ പ്രസിഡൻറ്​ ട്രംപ്​ തെരഞ്ഞെടുപ്പ്​ പ്രചാരണ സമയത്ത്​ തന്നെ രംഗത്ത്​ വന്നിരുന്നു.  മറ്റ്​ രാജ്യങ്ങളിൽ വ്യവസായങ്ങൾ തുടങ്ങിയാൽ അത്​ അമേരിക്കയിലെ തൊഴിലുകളെ ബാധിക്കുമെന്ന്​ ചൂണ്ടിക്കാട്ടിയായിരുന്നു ട്രംപി​െൻറ വിമർശനം. ഇതിനെ തുടർന്നാണ്​ പദ്ധതി ഫോർഡ്​ ഉപേക്ഷിച്ചതെന്നാണ്​ സൂചന. അമേരിക്കയിലെ സെൻറ്​ ലൂസിയയിൽ പുതിയ പ്ലാൻറ്​ തുടങ്ങാനും ഫോർഡ്​ തീരുമാചനിച്ചിട്ടുണ്ട്​.

ട്രംപ്​ അധികാരത്തിൽ എത്തിയിരുന്നില്ലെങ്കിലും തങ്ങൾ മെക്​സികോയിലെ കാർ നിർമാണ പദ്ധതി ഉപക്ഷേിക്കുമായിരുന്നുവെന്ന്​ തീരുമാനത്തെ കുറിച്ച്​ ഫോർഡ്​ പ്രതികരിച്ചു. നോർത്ത്​ അമേരിക്കിയിൽ കാറുകളുടെ ആവശ്യകതിയിൽ കുറവ്​ ഉണ്ടായതാണ്​ പ്ലാൻറ്​ ഉപേക്ഷിക്കാൻ കാരണമെന്നും ഫോർഡ്​ സി.ഇ.ഒ മാർക്ക്​ ഫീൽഡ്​സ്​ ​പറഞ്ഞു.

തൊഴിലുകൾ അമേരിക്കയിലേക്ക്​ കൊണ്ട്​ വരുന്നതിനായി കർശന നടപടികൾ എടുക്കുമെന്ന്​ ട്രംപ്​ നേരത്തെ തന്നെ വ്യക്​തമാക്കിയിരുന്നു. ഇത്​ അദ്ദേഹം നടപ്പിൽ വരുത്തുന്നതി​െൻറ ഭാഗമായാണ്​ ഫോർഡ്​ കാർ നിർമാണശാല മെക്​സികോയിൽ നിന്ന്​ മാറ്റുന്നതെന്നാണ്​ സൂചന. പല അമേരിക്കൻ കമ്പനികളും അവരുടെ ഉൽപ്പന്നങ്ങൾ നിർമിക്കുന്നത്​ മറ്റ്​ രാജ്യങ്ങളിലാണ്​. ഇത്തരത്തിൽ മറ്റ്​ രാജ്യങ്ങളിലേക്ക്​ പോവുന്ന മുഴുവൻ തൊഴിലുകളും അമേരിക്കയിലേക്ക്​ തിരിച്ചെത്തിക്കുക എന്നതാണ്​ ട്രംപി​െൻറ ലക്ഷ്യം. കർശനമായി അദ്ദേഹം ഇത്​ നടപ്പിലാക്കാൻ തുടങ്ങിയാൽ ഇന്ത്യയുൾപ്പടെയുള്ള പല രാജ്യങ്ങളെയും അത്​ ബാധിക്കും. അമേരിക്കയിലെ കമ്പനികൾ അവരുടെ സോഫ്​റ്റ്​വെയർ ഒാർഡറുകൾ നൽകുന്നത്​ ഇന്ത്യയിലെ സോഫ്​റ്റ്​വെയർ കമ്പനികൾക്കാണ്​.