ഫ്ലിപ്കാർട്ട് സ്ഥാപകൻ ബിന്നി ബെൻസാൽ സി.ഇ.ഒ സ്ഥാനം രാജിവെച്ചു

ബെംഗളുരു: പ്രമുഖ ഒാൺലൈൻ ഷോപ്പിങ് കമ്പനിയായ ഫ്ലിപ്കാർട്ടിൻെറ സ്ഥാപകനും സി.ഇ.ഒയുമായ ബിന്നി ബെൻസാൽ സ്ഥാനം രാജിവെച്ചു. ബിന്നി ബെൻസാലിനെതിരെ ഉയര്‍ന്നുവന്ന ആരോപണങ്ങളിൽ അന്വേഷണം പ്രഖ്യാപിച്ചതിന് പിന്നാലെയാണ് രാജി.

അദ്ദേഹത്തിൻറെ രാജി ലഭിച്ചതായി വാൾമാർട്ടും ഫ്ലിപ്കാർട്ടും സ്ഥിരീകരിച്ചു. ഗുരുതരമായ പെരുമാറ്റ ദൂഷ്യം എന്നാണ് ബെന്‍സാലിനെതിരായ ആരോപണത്തെ വിശേഷിപ്പിച്ചിരിക്കുന്നത്. കമ്പനിയുടെ സി.ഇ.ഒ ആയി കല്യാണ്‍ കൃഷ്ണമൂര്‍ത്തി തുടരും.