സാമ്പത്തിക വർഷം നീട്ടില്ല

ന്യൂഡൽഹി: കോവിഡ്​ ഭീതിയുടെ പശ്ചാത്തലത്തിൽ സാമ്പത്തിക വർഷം നീട്ടുമെന്ന പ്രചാരണം നിഷേധിച്ച്​ കേന്ദ്ര സാമ്പത ്തിക മന്ത്രാലയം. മാർച്ച്​ 30ന്​ ഇന്ത്യൻ സ്​റ്റാമ്പ്​ ആക്​ടിൽ ചില ഭേദഗതികൾ നിർദേശിച്ച് റവന്യു മന്ത്രാലയവും സാമ്പത്തിക മന്ത്രാലയവും ചേർന്ന്​​​ ഉത്തരവിറക്കിയിരുന്നു.

ഭേദഗതികൾ നടപ്പാക്കുന്നത്​ ജൂലൈ ഒന്നിലേക്ക്​ മാറ്റിയെന്നാണ്​ ഉത്തരവിലുള്ളത്​. ഈ ഉത്തരവിൻെറ ചുവട്​പിടിച്ചാണ്​ സാമ്പത്തിക വർഷം നീട്ടിയെന്ന പ്രചാരണം വിവിധ ഇടങ്ങളിൽനിന്ന്​ ഉണ്ടായത്​. ​ഇക്കാര്യം അധികൃതർ നിഷേധിച്ചതോടെ ഏപ്രിൽ ഒന്നിന്​ തന്നെ അടുത്ത സാമ്പത്തിക വർഷം ആരംഭിക്കുന്നതാണ്​.