അടുത്ത വർഷം 6 മുതൽ 6.5 ശതമാനം വരെ വളർച്ചയുണ്ടാകുമെന്ന്​ സാമ്പത്തിക സർവേ

ന്യൂഡൽഹി: അടുത്ത സാമ്പത്തിക വർഷം 6 മുതൽ 6.5 ശതമാനം വരെ ജി.ഡി.പി വളർച്ചയുണ്ടാകുമെന്ന്​ സാമ്പത്തിക സർവേ റിപ്പോർട്ട്​. മുതിർന്ന സാമ്പത്തിക ഉപദേഷ്​ടാവ്​ അരവിന്ദ്​ കൃഷ്​ണമൂർത്തിയാണ്​ രാജ്യത്ത്​ കടുത്ത സാമ്പത്തിക പ്രതിസന്ധിക്കിടെ സാമ്പത്തിക സർവേ റിപ്പോർട്ട്​ തയാറാക്കിയത്​.

ഈ സാമ്പത്തിക വർഷം അഞ്ച്​ ശതമാനം വരെ വളർച്ചയുണ്ടാകും. അടുത്ത വർഷത്തിൽ ധനകമ്മി കുറയുമെന്നും പ്രവചനമുണ്ട്​.ധനകമ്മി കുറച്ചാൽ മാത്രമേ രാജ്യത്ത്​ വളർച്ചയുണ്ടാകുവെന്ന്​ സാമ്പത്തിക സർവേ വ്യക്​തമാക്കുന്നു.

ഉപഭോഗം വർധിപ്പിക്കാനുള്ള നടപടികൾ അടിയന്തിരമായി സ്വീകരിക്കണമെന്നും റിപ്പോർട്ട്​ ആവശ്യപ്പെടുന്നു. ആഗോളസാമ്പത്തിക രംഗത്ത്​ ഉണ്ടാകുന്ന സംഭവങ്ങൾ ഇന്ത്യൻ സമ്പദ്​വ്യവസ്ഥയെ സ്വാധീനിക്കുന്നുണ്ടെന്നും സാമ്പത്തിക സർവേ പറയുന്നു.

സാമ്പത്തിക സർവേയിലെ പ്രധാന പരാമർശങ്ങൾ

• സർക്കാറി​​​​െൻറ അമിതമായ വിപണി ഇടപെടൽ തിരിച്ചടിയാവുമെന്ന്​ സാമ്പത്തിക സർവേ പ്രവചനം
• നിത്യോപയോക സാധനങ്ങളുടെ വില നിയന്ത്രിക്കുന്നതിനായി സർക്കാറി​​​​െൻറ ഫലപ്രദമായ ഇടപെടൽ വേണം
• ഉൽപന്നങ്ങളുടെ അസംബ്ലിങ്​ കേന്ദ്രങ്ങൾ ഇന്ത്യയിൽ തുടങ്ങണം. അതുവഴി രാജ്യത്ത്​ തൊഴിൽ വർധിപ്പിക്കാം
• ഇന്ത്യയിൽ വ്യവസായം സൗഹാർദ അന്തരീക്ഷം മെച്ചപ്പെടുത്തണം. ബാങ്കുകളുടെ പ്രവർത്തനങ്ങളിലും പുനഃപരിശോധനയുണ്ടാവണം
• 2020ൽ നികുതി പിരിവ്​ ലക്ഷ്യം കൈവരിക്കില്ല
• നികുതിയിതര വരുമാനം സുസ്ഥിരമല്ല
• അടിസ്ഥാന സൗകര്യ വികസനമേഖലയിൽ സർക്കാറിനൊപ്പം സ്വകാര്യമേഖലയുടെ നിക്ഷേപവും വേണം
• റിയൽഎസ്​റ്റേറ്റ്​ സെക്​ടർ മെച്ചപ്പെടുത്താൻ ബാങ്കുകളുടെ ശുദ്ധീകരണം, എൻ.ബി.എഫ്​.സികളുടെ പ്രശ്​നം എന്നി പരിഹരിക്കണം. വീടുകളുടെ വില കുറക്കാനും കമ്പനികൾ തയാറാവണം