പെട്രോൾ, ഡീസൽ വില കൂടി

ന്യൂഡൽഹി: തുടർച്ചയായ രണ്ടാം ദിവസവും രാജ്യത്ത്​ പെട്രോൾ ഡീസൽ വില കൂടി. അന്താരാഷ്​ട്ര വിപണിയിൽ ക്രൂഡ്​ഒായിൽ വ ില ഉയർന്നതോടെയാണ്​ രാജ്യത്തും വില വർധനയുണ്ടായത്​. പെട്രോൾ വില ലിറ്ററിന്​ 8 പൈസയുമാണ്​ ഡീസലിന്​ 20 പൈസയുമാണ്​ വർധിച്ചത്​.

പുതുക്കിയ നിരക്കുകൾ പ്രകാരം കോഴിക്കോട്​ ​ഒരു ലിറ്റർ പെട്രോളിന്​ 72.59 രൂപയും ഡീസലിന്​ 68.76 രൂപയുമാണ്​ വില. ഡൽഹി, മുംബൈ, ​ചെന്നൈ, ബംഗളൂരു തുടങ്ങിയ രാജ്യത്തി​​െൻറ വിവിധ നഗരങ്ങളിലും ഇന്ധനവില വർധിച്ചിട്ടുണ്ട്​. കൊച്ചിയിൽ പെട്രോൾ വില ലിറ്ററിന്​ 72.501രൂപയും ഡീസലിന്​ 68.541 രൂപയുമാണ്​ വില. തിരുവനന്തപുരത്ത്​ പെട്രോളിന്​ 73.78 രൂപയും ഡീസലിന്​ 69.86 രൂപയുമാണ്​ വില.

അന്താരാഷ്​ട്ര വിപണിയിൽ ക്രൂഡ്​ഒായിൽ വില കഴിഞ്ഞ ദിവസം ഉയർന്നിരുന്നു. ഒപെക്​ ഉൽപാദനം വെട്ടിക്കുറക്കുമെന്ന വാർത്തകളാണ്​ അന്താരാഷ്​​ട്ര വിപണിയിലെ എണ്ണവിലയെ സ്വാധീനിച്ചത്​. ഇത്​ ഇന്ത്യൻ വിപണിയിലും പ്രതിഫലിക്കുകയായിരുന്നു.