2000 രൂപ നോട്ട്​ പിൻവലിക്കാൻ കേന്ദ്രസർക്കാറിന്​ ശിപാർശ

12:50 PM
08/11/2019
2000 rupee note
Representational Image

ന്യൂഡൽഹി: 2000 രൂപയുടെ നോട്ടും പിൻവലിക്കാൻ കേന്ദ്രസർക്കാറിന്​ മുൻ ധനകാര്യ സെക്രട്ടറി സുഭാഷ്​ ചന്ദ്ര ഗാർഗി​​​െൻറ ശിപാർശ. 72 പേജുള്ള കുറിപ്പിലാണ്​ സാമ്പത്തികരംഗത്തെ പരിഷ്​കാരങ്ങളെ കുറിച്ച്​ ഗാർഗ്​ പറയുന്നത്​. പൊതുമേഖല ബാങ്കുകളുടെ സ്വകാര്യവൽക്കരണം ഉൾപ്പടെ പ്രോൽസാഹിപ്പിക്കണമെന്നാണ്​ ഗാർഗ്​ വ്യക്​തമാക്കുന്നത്​.

2016ൽ നോട്ട്​ നിരോധനത്തിന്​ പിറകെയാണ്​ 2000 രൂപയുടെ കറൻസി ആർ.ബി.ഐ പുറത്തിറക്കിയത്​. എന്നാൽ, 2000 രൂപയുടെ വളരെ കുറച്ച്​ കറൻസി മാത്രമാണ്​​ സർക്കുലേഷനിലുള്ളത്​. ഭൂരിപക്ഷവും നിക്ഷേപമായി 2000 രൂപ നോട്ട്​ സൂക്ഷിക്കുകയാണ്​ ചെയ്യുന്നത്​. അതുകൊണ്ട്​ പ്രശ്​നങ്ങളില്ലാതെ നോട്ട്​ നിരോധനം നടപ്പിലാക്കാമെന്നാണ്​ ഗാർഗ്​  വ്യക്​തമാക്കുന്നത്​. 

അതേസമയം, 2000 രൂപയുടെ നോട്ടി​​​െൻറ അച്ചടി ആർ.ബി.ഐ കുറച്ചിരുന്നു. ഇതിനിടെ വിപണിയിൽ 2000 രൂപയുടെ നോട്ടിന്​ ആവശ്യക്കാർ കുറവാണെന്ന റിപ്പോർട്ടുകളും പുറത്ത്​ വന്നിരുന്നു.

Loading...
COMMENTS