Begin typing your search above and press return to search.
proflie-avatar
Login
exit_to_app
exit_to_app
Homechevron_rightBusinesschevron_rightBiz Newschevron_rightഇന്ത്യ സാമ്പത്തിക...

ഇന്ത്യ സാമ്പത്തിക പ്രതിസന്ധിയിലേക്കോ? മുന്നറിയിപ്പുമായി മോദിയുടെ ഉപദേഷ്​ടാവ്​

text_fields
bookmark_border
rathin-roy-modi
cancel

ന്യൂഡൽഹി: രാജ്യം സാമ്പത്തിക പ്രതിസന്ധിയിലേക്ക്​ നീങ്ങുന്നുവെന്ന വാർത്തകൾക്കിടെ ഇക്കാര്യത്തിൽ ഭാഗിക സ്ഥിരീ കരണവുമായി പ്രധാനമന്ത്രി നരേന്ദ്രമോദിയുടെ സാമ്പത്തിക ഉപദേഷ്​ടാവ്​. ഇന്ത്യൻ സമ്പദ്​വ്യവസ്ഥ ഘടനാപരമായ പ്രതിസ ന്ധി നേരിടുന്നുവെന്നാണ്​ പ്രധാനമന്ത്രിയുടെ ഉപദേശക കൗൺസിൽ അംഗവും നാഷണൽ പബ്ലിക്​ ഫിനാൻസ്​ ഡയറക്​ടറുമായ രതിൻ റ ോയ്​ വ്യക്​തമാക്കുന്നത്​. എൻ.ഡി.ടി.വിക്ക്​ നൽകിയ അഭിമുഖത്തിലാണ്​ രതിൻ ഇക്കാര്യം പറഞ്ഞത്​.

2018-19 സാമ്പത്തിക വർഷത്തിൽ ഇന്ത്യൻ സമ്പദ്​വ്യവസ്ഥയിൽ പ്രതിസന്ധിയുണ്ടാകുമെന്ന്പ്രവചനങ്ങളുണ്ടായിരുന്നു. രാജ്യത്തെ ഉപഭോഗം കുറഞ്ഞതും കയറ്റുമതിയിലെ ഇടിവും നിക്ഷേപത്തിലെ പ്രശ്​നങ്ങളുമാണ്​ സമ്പദ്​വ്യവസ്ഥയിൽ ചെറിയ തകർച്ചക്കുള്ള കാരണങ്ങളായി ചൂണ്ടിക്കാട്ടിയിരുന്നത്​. എന്നാൽ, നിലവിലെ റിപ്പോർട്ടുകളനുസരിച്ച്​ വരും വർഷങ്ങളിൽ പ്രതിസന്ധി ഇനിയും വർധിക്കാനാണ്​ സാധ്യതയെന്ന്​ റോയ്​ മുന്നറിയിപ്പ്​ നൽകുന്നു.

1991 മുതൽ ഘടനപരമായ തകർച്ച ഇന്ത്യൻ സമ്പദ്​വ്യവസ്ഥ നേരിടുന്നുണ്ട്​. രാജ്യത്തെ 10 കോടി ജനങ്ങളുടെ ഉപഭോഗമാണ്​ ഇന്ത്യൻ സമ്പദ്​വ്യവസ്ഥക്ക്​ കരുത്ത്​ പകർന്നിരുന്നത്​. കയറ്റുമതി സമ്പദ്​വ്യവസ്ഥയിൽ കാര്യമായ ചലനങ്ങൾ സൃഷ്​ടിച്ചിരുന്നില്ല. ബ്രസീൽ, ദക്ഷിണാഫ്രിക്ക തുടങ്ങിയ രാജ്യങ്ങൾക്ക്​ സമാനമാണ്​ ഇന്ത്യൻ സമ്പദ്​വ്യവസ്ഥ. ജനസംഖ്യ കൂടുതലുള്ളതും വരുമാനം കുറഞ്ഞതുമായ ഇടത്തരം സമ്പദ്​വ്യവസ്ഥയാണ്​ ഇന്ത്യയുടേത്​. സമ്പദ്​വ്യവസ്ഥയെ ഈ രീതിയിൽ നിന്ന്​ മാറ്റാനാണ്​ പല രാജ്യങ്ങളും ശ്രമിക്കുന്നത്​. പ്രതിശീർഷ വരുമാനം വർധിപ്പിക്കുകയാണ്​ ഇതിനുള്ള പോംവഴി. അതിലൊന്നും അവർ വിജയിക്കാറുമില്ല. ഇന്ത്യയും അഭിമുഖികരിക്കുന്നത്​ ഇതേ പ്രതിസന്ധിയാണെന്ന്​ രതിൻ റോയ്​ വ്യക്​തമാക്കുന്നു.

അതിവേഗത്തിൽ വളരുന്ന സമ്പദ്​വ്യവസ്ഥയാണ്​ ഇന്ത്യയുടേത്​. ചൈനയുടെ വളർച്ച നിരക്ക്​ കുറഞ്ഞതാണ്​ ഇന്ത്യക്ക്​ ആ പദവി ലഭിക്കാൻ കാരണം. അടുത്ത അഞ്ച്​ വർഷത്തേക്ക്​ കൂടി ഇന്ത്യൻ സമ്പദ്​വ്യവസ്ഥ 5 മുതൽ 6 ശതമാനം നിരക്കിൽ വളരും. എന്നാൽ, നിശ്​ചിത പോയിൻറിലെത്തു​േമ്പാൾ വളർച്ച നിലക്കും. ഇത്​ രാജ്യത്തെ സാമ്പത്തിക പ്രതിസന്ധിയിലേക്ക്​ നയിക്കും. നിലവിലെ രാജ്യത്തിൻെറ സാമ്പത്തിക സ്ഥിതിയെ കുറിച്ച്​ സർക്കാറിന്​ മുന്നറിയിപ്പ്​ നൽകിയിട്ടുണ്ടെന്നും രതിൻ റോയ്​ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:business newsNarendra Modimalayalam newsecnomic crisisRathin roy
News Summary - Crisis Shadow On India's Economy,-Business news
Next Story