കോർപ്പറേറ്റുകൾക്ക്​ ആശ്വസിക്കാം; ബജറ്റിൽ ഇളവുകൾക്ക്​ സാധ്യത

ന്യൂഡൽഹി: വരാനിരിക്കുന്ന ബജറ്റിനെ പ്രതീക്ഷയോടെയാണ്​ രാജ്യത്തെ കോർപ്പറേറ്റ്​ മേഖല കാണുന്നത്​. കോർപ്പറേറ്റ്​ നികുതി കുറവാണ്​ മേഖല പ്രതീക്ഷിക്കുന്ന പ്രധാന ഇളവ്​. നികുതി നിലവിലെ 30 ശതമാനത്തിൽ നിന്ന്​ 25 ആക്കി കുറക്കുമെന്നാണ്​ പ്രതീക്ഷ.  

രാജ്യത്തെ നിക്ഷേപത്തിലെ നിലവിൽ  വൻ കുറവാണ്​ ഉണ്ടായിരിക്കുന്നത്​. സാമ്പത്തിക രംഗത്ത്​ ഇത്​ വെല്ലുവിളി ഉയർത്തുന്നുമുണ്ട്​. ഇൗയൊരു സാഹചര്യത്തിൽ കോർപ്പറേറ്റ്​ നികുതി കുറച്ച്​ നിക്ഷേപം വർധിപ്പിക്കാനുള്ള ശ്രമം ജെയ്​റ്റ്​ലി നടത്തിയേക്കും. നിക്ഷേപം വർധിപ്പിക്കാനായി ഡോണൾഡ്​ ട്രംപ്​ അമേരിക്കയിലെ കോർപ്പറേറ്റ്​ ടാക്​സ്​ 35 ശതമാനത്തിൽ നിന്ന്​ 21 ശതമാനമായി കുറച്ചിരുന്നു. നികുതി കുറച്ചതോടെ അമേരിക്കയിലെ നിക്ഷേപങ്ങൾ വർധിച്ചിട്ടുണ്ട്​. ഇതും നികുതി കുറക്കാൻ മോദി സർക്കാറിനെ പ്രേരിപ്പിക്കുന്നുണ്ട്​.

2014 അധികാരത്തിലെത്തു​േമ്പാൾ കോർ​പ്പറേറ്റ്​ നികുതി കുറക്കുമെന്ന്​ പ്രധാനമന്ത്രി മോദി പറഞ്ഞിരുന്നു. എന്നാൽ നികുതിയിൽ കാര്യമായ കുറവ്​ വരുത്തിയിരുന്നില്ല.