കോവിഡിലും കർമ്മനിരതരായി ഉദ്യോഗസ്ഥർ; അധിക ശമ്പളവുമായി കമ്പനി

മുംബൈ: കോവിഡ്​ 19 വൈറസ്​ ബാധയെ തുടർന്ന്​ കടുത്ത പ്രതിസന്ധിയാണ്​ രാജ്യത്തെ കോർപ്പറേറ്റ്​ മേഖല അഭിമുഖീകരിക്ക ുന്നത്​. ലോക്​ഡൗൺ മൂലം പല കമ്പനികളുടേയും വ്യാപാരത്തിൽ വൻ ഇടിവാണ്​ രേഖപ്പെടുത്തുന്നത്​. പക്ഷേ പ്രതിസന്ധി കാലഘട്ടത്തിലും ജോലി ചെയ്യുന്ന തൊഴിലാളികളെ കൈവിടാൻ ചില കമ്പനികൾ തയാറല്ല. അധിക ​വേതനം നൽകിയാണ്​ പ്രതിസന്ധി കാലഘട്ടത്തിൽ ഇവർ തൊഴിലാളികൾക്ക്​ പിന്തുണ നൽകുന്നത്​.

കോഗ്​നിസ​െൻറാണ്​ ജീവനക്കാർ അധിക ശമ്പളം നൽകാൻ തീരുമാനിച്ചത്​. അടിസ്ഥാന ശമ്പളത്തി​​െൻറ 25 ശതമാനം അധികമായി നൽകുമെന്നാണ്​ കോഗ്​നി​സ​െൻറ്​ അറിയിച്ചത്​. കമ്പനിയുടെ 1.35 ലക്ഷം ജീവനക്കാർക്ക്​ ഇതി​​െൻറ ഗുണം ലഭിക്കും. ഏപ്രിൽ മാസത്തിൽ മാത്രമായിരിക്കും അധിക ശമ്പളം നൽകുകയെന്നും സി.ഇ.ഒ ബ്രിയാൻ ഹംസ്​പിയർ ജീവനക്കാർക്കയച്ച മെയിലിൽ വ്യക്​തമാക്കി.

അതേസമയം, കോവിഡിനെ തുടർന്ന്​ ശമ്പളവർധനവ്​ മാറ്റിവെച്ച കമ്പനിയുമുണ്ട്​​. എൽ&ടിയാണ്​ കോവിഡിനെ തുടർന്ന്​ ശമ്പളവർധനവ്​ മാറ്റിവെച്ചത്​. മാർച്ച്​ ഒന്ന്​ മുതൽ നടപ്പാക്കാനിരുന്ന ശമ്പളവർധനവാണ്​ ജൂലൈയിലേക്ക്​ മാറ്റിവെച്ചത്​. കടുത്ത സാമ്പത്തിക പ്രതിസന്ധി അഭിമുഖീകരിച്ചതോടെയായിരുന്നു എൽ&ടിയുടെ നടപടി.