പി.എൻ.ബി തട്ടിപ്പ്: സി.ബി.െഎ കുറ്റപത്രം സമർപ്പിച്ചു
text_fieldsന്യൂഡൽഹി: വജ്ര വ്യവസായി നീരവ് മോദിയും അമ്മാവൻ മെഹുൽ ചോക്സിയും പ്രതിയായ പഞ്ചാബ് നാഷണൽ ബാങ്ക് തട്ടിപ്പ് കേസിൽ സി.ബി.െഎ കുറ്റപത്രം സമർപ്പിച്ചു. പഞ്ചാബ് നാഷണൽ ബാങ്ക് മുൻ എം.ഡി ഉഷ അനന്തസുബ്രഹ്മണ്യവും കേസിൽ പ്രതിയാണ്. നിലവിൽ അലഹാബാദ് ബാങ്കിെൻറ എം.ഡിയാണ് ഉഷ. ഉഷയെ സി.ബി.െഎ നേരത്തെ ചോദ്യം ചെയ്തിരുന്നു.
ഇവരെ കൂടാതെ ബാങ്കിെൻറ എക്സിക്യൂട്ടീവ് ഡയറക്ടറായ കെ.വി ബ്രഹ്മജി റാവു, സഞ്ജീവ് സഹറൻ, നേഹാൽ അഹമ്മദ് എന്നിവരും കേസിൽ പ്രതികളാണ്.. റിസർവ് ബാങ്കിെൻറ ചട്ടങ്ങൾ പാലിക്കാത്തതിനാണ് ഇവർക്കെതിരെ കേസെടുത്തിരിക്കുന്നത്. നീരവ് മോദിക്കും മെഹുൽ ചോക്സിക്കുമെതിരെ പ്രത്യേകം കുറ്റപത്രം ഇയാഴ്ചയോടെ സി.ബി.െഎ സമർപ്പിക്കുമെന്നാണ് വിവരം.
പി.എൻ.ബിയുടെ മുൻ ഡെപ്യൂട്ടി ജനറൽ മാനേജർ ഗോകുൽനാഥ് ഷെട്ടി, ഏകജാലകം ഒാപ്പറേറ്റർ മനോജ് കാരാട്ട്, മോദിയുടെ കമ്പനി പ്രതിനിധി ഹേമന്ത് ഭട്ട്, പി.എൻ.ബി ഫോറെക്സ് ജനറൽ മാനേജർ ബെച്ചു തിവാരി, യശ്വന്ത് ജോഷി, പ്രാഫുൽ സ്വന്ത് തുടങ്ങിയവരുടെ പേരുകളെല്ലാം കുറ്റപ്പത്രത്തിൽ ഉൾപ്പെട്ടിട്ടുണ്ടെന്നാണ് വിവരം. ഇവരെ കൂടാതെ നീരവ് മോദിയുടെയും മെഹുൽ ചോക്സിയുടെയും കമ്പനിയിലെ ചില ജീവനക്കാരും കേസിൽ പ്രതിയാവും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.