നോട്ട്​ക്ഷാമം കൂടുതൽ സംസ്ഥാനങ്ങളിലേക്ക്​ വ്യാപിപ്പിക്കുന്നതായി റിപ്പോർട്ട്​

മുംബൈ: നോട്ട്​ ക്ഷാമം കൂടുതൽ സംസ്ഥാനങ്ങളിലേക്ക്​ വ്യാപിക്കുന്നതായി റിപ്പോർട്ട്​. വ്യവസായ നഗരമായ മുംബൈയും മഹാരാഷ്​ട്രയുടെ ച ില ഭാഗങ്ങളും നോട്ട്​ക്ഷാമത്തിലേക്ക്​ നീങ്ങുമെന്നാണ്​ ദേശീയ മാധ്യമങ്ങൾ റിപ്പോർട്ട്​ ചെയ്യുന്നത്​. വൈകാതെ തന്നെ മറ്റ്​ സംസ്ഥാനങ്ങളിലേക്കും പ്രതിസന്ധി വ്യാപിച്ചേക്കാമെന്നും റിപ്പോർട്ടുകളുണ്ട്​.

ജനങ്ങളുടെ ആവശ്യത്തിനനുസരിച്ചു വർധിക്കുന്നതിനനുസരിച്ച്​ പണം നൽകുന്നതിൽ ബാങ്കുകൾ പരാജയപ്പെട്ടതാണ്​ നിലവിലെ പ്രതിസന്ധിക്ക്​ കാരണമെന്നാണ്​ വിദഗ്​ധർ അഭിപ്രായപ്പെടുന്നത്​. പണത്തിന്​ കൂടുതൽ ആവശ്യക്കാരുണ്ടാവുമെന്ന്​ ആർ.ബി.​െഎയും ധനമന്ത്രാലയവും ബാങ്കുകൾക്ക്​ മുന്നറിയിപ്പ്​ നൽകിയിരുന്നുവെന്നും ഇത്​ അവഗണിച്ചത്​ കാരണമാണ്​ നിലവിലെ പ്രതിസന്ധിക്ക്​ ഇടയാക്കിയതെന്നും വിദഗ്​ധർ പറയുന്നു.

അതേ സമയം, എഫ്​.ആർ.ഡി.​െഎ ബില്ല്​ നിലവിൽ വരു​േമ്പാൾ നിക്ഷേപിച്ച പണം തിരികെ കിട്ടില്ലെന്ന വാർത്തകൾ നേരത്തെ പുറത്ത്​ വന്നിരുന്നു. ഇതിനൊടൊപ്പം ബാങ്കുകളുടെ കിട്ടാകടവും ജനങ്ങൾക്ക്​ വലിയ വിശ്വാസ്യത നഷ്​ടം ഉണ്ടാക്കിയിട്ടുണ്ട്​ ഇതുമൂലം കൂടുതൽ ആളുകൾ പണം പിൻവലിക്കാൻ മുതിർന്നതാണ്​ പ്രതിസന്ധിക്ക്​ കാരണമെന്നാണ്​ വാർത്തകൾ.