ദസറ-ദീപാവലി ഒാഫറുമായി ബി.എസ്.എൻ.എൽ
text_fieldsതൃശൂർ: ദസറ-ദീപാവലി ആഘോങ്ങളോടനുബന്ധിച്ച് ‘പ്രോജക്ട് ധനലക്ഷ്മി’യുടെ ഭാഗമായി അടുത്തമാസം ഏഴുവരെ ബി.എസ്.എൻ.എൽ സേവനങ്ങളുടെ ബിൽ അടക്കുന്നവർക്ക് ഇളവുകൾ പ്രഖ്യാപിച്ചു.
ലാൻഡ്, ബ്രോഡ് ബാൻഡ്, എഫ്.ടി.ടി.എച്ച്, മൊബൈൽ, വൈമാക്സ്, ഡബ്ല്യു.എൽ.എൽ എന്നിവയുടെ ബിൽ അടക്കുന്ന ഉപഭോക്താക്കൾക്ക് നികുതി ഒഴികെയുള്ള തുകയുടെ ഒരു ശതമാനം ഇളവും അടുത്ത അഞ്ച് മാസത്തെ തുക മുൻകൂറായി അടക്കുന്നവർക്ക് നികുതികൾ ഒഴിച്ചുള്ള തുകയുടെ മൂന്നു ശതമാനം ഇളവും കൂടാതെ ഒരു വർഷത്തെ തുക മുൻകൂറായി അടക്കുന്നവർക്ക് ഒരു മാസത്തെയും രണ്ടു വർഷത്തെ തുക അടക്കുന്നവർക്ക് മൂന്നു മാസത്തെയും മൂന്നു വർഷത്തെ തുക മുൻകൂറായി അടക്കുന്നവർക്ക് ആറ് മാസത്തെയും ഇളവ് നൽകും.
ലീസ്ഡ് സർക്യൂട്ടിെൻറ ബിൽ അടക്കുന്നവർക്ക് നികുതി ഒഴിച്ചുള്ള തുകയുടെ രണ്ട് ശതമാനം ഇളവും അനുവദിക്കും. അവസരം പരമാവധി പ്രയോജനപ്പെടുത്തണമെന്ന് ബി.എസ്.എൻ.എൽ തൃശൂർ പ്രിൻസിപ്പൽ ജനറൽ മാനേജർ സി. രാജേന്ദ്രൻ അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.