കിട്ടാകടം പെരുകുന്നു; ബാങ്കുകളെ രക്ഷിക്കാൻ മോദി സർക്കാറി​െൻറ നീക്കം

ന്യൂഡൽഹി: കിട്ടാകടത്തിൽ വലയുന്ന ബാങ്കുകളെ രക്ഷിക്കാൻ നീക്കവുമായി കേന്ദ്രസർക്കാർ. നേരത്തെ പ്രഖ്യാപിച്ച മൂലധനസമാഹരണത്തിനുള്ള നടപടികളുമായാണ്​ സർക്കാർ മുന്നോട്ട്​​ പോകുന്നത്​. ഇതി​​െൻറ ഭാഗമായി 80,000 കോടി രൂപ ചെലവഴിക്കാൻ കേന്ദ്രസർക്കാർ ലോക്​സഭയുടെ അനുമതി തേടി. 

ബാങ്കുകൾക്ക്​ മൂലധനമായി 2.11 ലക്ഷം കോടി രൂപ സമാഹരിക്കാനാണ്​ കേന്ദ്രസർക്കാറി​​െൻറ നീക്കം. 9.8 ലക്ഷം കോടിയാണ്​ രാജ്യത്തെ ബാങ്കുകളിലെ കിട്ടാകടം. ബാങ്കുകളുടെ മൂലധനസമാഹരണത്തിനായി 1.35 ലക്ഷം കോടി ബോണ്ടുകളിലുടെയായിരിക്കും സ്വരുപിക്കുക. ബാക്കി തുക ബജറ്റ്​ വിഹിതമായും ഒാഹരി വിൽപനയിലുടെയും സ്വരുപിക്കാനാണ്​ ​സർക്കാർ പദ്ധതി. 

എന്നാൽ, കഴുത്തറ്റം കടത്തിൽ നിൽക്കു​േമ്പാഴൂം കിട്ടാകടം തിരിച്ച്​ പിടിക്കാനുള്ള നീക്കങ്ങളൊന്നും ബാങ്കുകളുടെ ഭാഗത്ത്​ നിന്ന്​ ഉണ്ടാവുന്നില്ല. കോർപ്പറേറ്റുകളുടെ കടം തിരിച്ച്​ പിടിക്കാൻ ബാങ്കുകൾ വിമുഖത കാണിക്കുകയാണെന്നും ആരോപണമുണ്ട്​. ഡിസംബർ 18ന്​ അധികമായി 66,113 കോടി ചെലവഴിക്കാൻ കേന്ദ്രസർക്കാർ പാർലമ​െൻറി​​െൻറ അനുമതി തേടിയിരുന്നു. ഇതിന്​ പിന്നാലെയാണ്​ ബാങ്കുകളുടെ മൂലധനസമാഹരണത്തിനും സർക്കാർ അധികമായി പണം ചെലവഴിക്കുന്നത്​.