കോവിഡ് 19: വാഹന നിർമാതാക്കൾ ഉൽപാദനം നിർത്തുന്നു

ന്യൂഡൽഹി: കോവിഡ്​ വ്യാപനത്തി​നെതിരായ ജാഗ്രതയുടെ ഭാഗമായി വാഹന നിർമാണ പ്ലാൻറുകൾ അടക്കുന്നു. മാരുതി സുസുക്കി, ടാറ്റ, മഹീന്ദ്ര, ഹോണ്ട, ബജാജ്​, ഹീറോ കമ്പനികളാണ്​ പ്ലാൻറ്​​ പ്രവർത്തനം നിർത്തുന്നതായി പ്രഖ്യാപിച്ചത്​.

മാരുതി സുസുക്കി ഹരിയാനയിലെ ഉൽപാദനവും ഒാഫീസ്​ പ്രവർത്തനങ്ങളും നിർത്തി. റോത്തഗിൽ പ്രവർത്തിക്കുന്ന ഗവേഷണ വിഭാഗത്തി​​െൻറ പ്രവർത്തനങ്ങും ഇനിയൊരറിയിപ്പുണ്ടാകുന്നത്​ വരെ നിർത്തിയതായി കമ്പനി അറിയിച്ചു.

ടാറ്റാ മോ​േട്ടർസ്​ പൂണെയിലെ പ്ലാൻറ്​ മാർച്ച്​ 31 വരെ അടച്ചു. മഹീന്ദ്ര ആൻറ്​ മഹിന്ദ്ര നാഗ്​പൂർ, പൂണെ, മുംബൈ എന്നിവിടങ്ങളിലെ പ്ലാൻറുകൾ ചൊവ്വാഴ്​ച മുതൽ പ്രവർത്തിക്കില്ലെന്ന്​ അറിയിച്ചു. ഹോണ്ട, ഹീറോ, ബജാജ്​ എന്നിവയും മാർച്ച്​ 31 വരെ പ്രവർത്തിക്കില്ലെന്ന്​ പ്രഖ്യാപിച്ചിട്ടു​ണ്ട്​.