ചൈനയിൽ അഞ്ചുവർഷം കൊണ്ട്​ 6.5 കോടി തൊഴിലവസരങ്ങൾ സൃഷ്​ടിച്ചു

ബെയ്​ജിങ്​: കഴിഞ്ഞ അഞ്ചുവർഷം കൊണ്ട്​ രാജ്യത്ത്​ 6.5 കോടി തൊഴിലവസരങ്ങൾ സൃഷ്​ടിച്ചതായി ചൈന അറിയിച്ചു. ജോലി നഷ്​ടപ്പെട്ട  2.​5 കോടി തൊഴിലാളികളെ പുനരധിവസിപ്പിക്കാനും സാധിച്ചതായി മാനവവിഭവശേഷി-സാമൂഹികസുരക്ഷ മന്ത്രി യിൻ വീമിൻ വ്യക്തമാക്കി.

ചൈനയിലെ പൊതുതൊഴിൽ വിപണി സുസ്​ഥിരമാണ്​. നഗരങ്ങളിൽ കഴിഞ്ഞ ഒാരോ വർഷവും 1.3 കോടിയിലേറെ പുതിയ തൊഴിലവസരങ്ങൾ സൃഷ്​ടിക്കാൻ കഴിഞ്ഞു. സമ്പദ്​വ്യവസ്​ഥ മെച്ചപ്പെട്ടതോടെ നഗരങ്ങളിലെ തൊഴിലില്ലായ്​മനിരക്ക്​ ഗണ്യമായി കുറക്കാൻ കഴിഞ്ഞതായും വീമിൻ വ്യക്തമാക്കി.