2018 കാത്തുവെച്ചിരിക്കുന്നത്

സർക്കാറിന്​ സാമ്പത്തിക വർഷമാണ്​ മുഖ്യമെങ്കിലും സാധാരണക്കാരുടെ പ്രതീക്ഷകൾ മാറിമറിയുന്നതും പുതിയ പ്രതീക്ഷകൾ പിറക്കുന്നതും കലണ്ടർ വർഷത്തെ അടിസ്​ഥാനമാക്കിയാണ്​. നോട്ടു നിരോധനത്തി​​െൻറ ക്ഷീണവുമായി ചരക്കു​ സേവന നികുതിയുടെ ആശയക്കുഴപ്പത്തിലേക്ക്​ കൂപ്പുകുത്തിയ വർഷമായിരുന്നു 2017. നോട്ടുനിരോധനവും ജി.എസ്​.ടിയും ചേർന്ന്​ രാജ്യത്തെ വ്യവസായ-വാണിജ്യ മേഖലകളെ അപ്പാടെ തകിടം മറിച്ചതിൽനിന്ന്​ ഒരു തിരിച്ചുകയറ്റമാണ്​ 2018ൽ ജനം പ്രതീക്ഷിക്കുന്നത്​. ‘2018’ കാത്തുവെച്ചിരിക്കുന്നത്​.

ജി.എസ്​.ടി തുണക്കുന്നില്ല; കടമെടുപ്പല്ല​ാതെ വഴിയില്ല
ഏറെ പ്രതീക്ഷയോടെ കൊണ്ടുവന്ന ചരക്ക്​ സേവന നികുതി (ജി.എസ്​.ടി) ഇനിയും പ്രതീക്ഷിച്ച ഫലം നൽകിത്തുടങ്ങിയില്ല. ഇതോടെ കേന്ദ്ര, സംസ്​ഥാന സർക്കാറുകൾ വായ്​പാ വഴിയിലൂടെ നീങ്ങുകയാണ്. നിത്യനിദാനങ്ങൾക്ക്​ കടമെടുപ്പല്ലാതെ വഴിയില്ലാത്ത അവസ്​ഥയാണ്​ പുതുവർഷത്തിലും. എക്​സൈസ്​ ഡ്യൂട്ടി, വാറ്റ്​, സർവിസ്​ ടാക്​സ്​ തുടങ്ങിയവയെല്ലാം ജി.എസ്​.ടിയുടെ കുടക്കീഴിലാക്കിയപ്പോൾ മുമ്പ്​ ലഭിച്ചതിലധികം വരുമാനം ലഭിക്കു​മെന്നായിരുന്നു കേന്ദ്രവും സംസ്​ഥാനവും കണക്കുകൂട്ടിയിരുന്നത്​. 

എന്നാൽ, ഇക്കഴിഞ്ഞ മാസങ്ങളിൽ വരുമാനം കുത്തനെ ഇടിയുകയാണ് ചെയ്​തത്​​. സെപ്​റ്റംബറിൽ  ജി.എസ്​.ടി വഴി 95131 കോടിയായിരുന്നു ദേശീയ തലത്തിൽ വരുമാനമെങ്കിൽ ഒക്​ടോബറിൽ അത്​ 83000 കോടിയായും നവംബറിൽ 80,000 കോടിയായും ഇടിഞ്ഞു. ഇതോടെ, പൊതുവിപണിയിൽ നിന്ന്​ അടിയന്തരമായി 50,000 കോടി രൂപ കടമെടുക്കേണ്ട സ്​ഥിതിയിലായി കേന്ദ്രം. കേരളവും 6100 കോടി രൂപ അധികമായി കടമെടുക്കാൻ നിർബന്ധിതമായിരിക്കുകയാണ്​. അവശ്യസാധനങ്ങൾ ഉൾപ്പെടെ നിരവധി വസ്​തുക്കളുടെ ജി.എസ്​.ടി നിരക്ക്​ കുറച്ചതാണ്​ വരുമാനമിടിയാൻ കാരണമെന്ന്​ കേന്ദ്ര സർക്കാർ വിശദീകരിക്കു​േമ്പാൾ, സാമ്പത്തിക മുരടിപ്പാണ്​ കാരണമെന്നാണ്​ സംസ്​ഥാന ധനമന്ത്രിയുടെ വിശദീകരണം. 

വിലയിൽ ആശ്വാസം പ്രതീ​ക്ഷിക്കേണ്ട
അവശ്യസാധന വിലയുടെ കാ​ര്യത്തിൽ സാധാരണക്കാർ വിഡ്​ഢികളായ വർഷമാണ്​ കടന്നുപോയത്​. ഒരേ വസ്​തുവിന്​ വിവിധ തലങ്ങളിൽ പലവിധ നികുതി ഇൗടാക്കുന്നതാണ്​ വിലക്കയറ്റത്തിന്​ കാരണമെന്നും ഒറ്റനികുതിയാക്കുന്നതോടെ അവശ്യസാധന വില കുത്തനെ താഴേക്കുവരുമെന്നുമാണ്​ പറഞ്ഞ്​ വിശ്വസിപ്പിച്ചിരുന്നത്​. പക്ഷേ, പഴയ നികുതികൾക്ക്​ പുറമേ ജി.എസ്​.ടിയുംകൂടി ചേർത്ത്​ പലരും അന്യായവില ഇൗടാക്കാൻ തുടങ്ങിയതിൽ ഇനിയും കാര്യമായ മാറ്റമുണ്ടായിട്ടില്ല. പുതുവർഷത്തിലും അവശ്യസാധന വിലയിൽ കുറവൊന്നും പ്രതീക്ഷിക്കേണ്ടതില്ല. അന്താരാഷ്​ട്ര വിപണിയിൽ ക്രൂഡ്​ ഒായിൽ വില കുത്തനെ വർധിച്ച സാഹചര്യത്തിൽ എല്ലാവസ്​തുക്കൾക്കും വില ഉയർന്നുതന്നെ നിൽക്കുമെന്നാണ്​ വിദഗ്​ധമതം. കഴിഞ്ഞ മൂന്നു വർഷത്തിനിടയിലെ ഏറ്റവും ഉയർന്ന നിലവാരത്തിലാണ്​ എണ്ണ വില​. ചരക്ക്​ കടത്ത്​കൂലി, ഉൽപാദനച്ചെലവ്​ എന്നിവയിലെല്ലാം ഇത്​ പ്രതിഫലിക്കും.  

ബാങ്കുകൾക്ക്​ നിർണായക വർഷം
പൊതുമേഖലാ ബാങ്കുകൾക്ക്​ നിലനിൽപിന്​ പൊരുതേണ്ട വർഷമാണ്​ കടന്നുവരുന്നത്​. കിട്ടാക്കടവും നിഷ്​ക്രിയ ആസ്​തിയും നിയന്ത്രിച്ചില്ലെങ്കിൽ പല പൊതുമേഖല ബാങ്കുകളുടെയും നിലനിൽപുതന്നെ ചോദ്യംചെയ്യപ്പെടും എന്ന സൂചന കേന്ദ്ര ധനമന്ത്രാലയം നൽകിക്കഴിഞ്ഞു. ബാങ്കുകളുടെ പ്രവർത്തനം നിരീക്ഷിക്കാനും നിയന്ത്രിക്കാനും പുതിയ അധികാര കേന്ദ്രവും നിലവിൽവരും. നിക്ഷേപ^വായ്​പ^തിരിച്ചടവ്​ അനുപാതങ്ങളിൽ സ്​ഥിരത പുലർത്തുകയെന്നതാകണം പൊതുമേഖല ബാങ്കുകളു​െട മുഖ്യപരിഗണനയെന്ന്​ റിസർവ്​ ബാങ്ക്​ നിർദ്ദേശം നൽകിക്കഴിഞ്ഞു. ബാങ്കുകളെ നിരീക്ഷിക്കുന്നതിനായി റിസർവ്​ ബാങ്ക്​ ആവിഷ്​കരിച്ച പ്രോംപ്​റ്റ്​ കറക്​ടിവ്​ ആക്​ഷൻ പദ്ധതിയുടെ ഇടപെടൽ പുതിയ വർഷത്തിൽ ശക്​തമാകുമെന്നാണ്​ സൂചന. 2017ൽ അഞ്ച്​ സ്​റ്റേറ്റ്​ ബാങ്കുകളെയും മഹിളാ ബാങ്കിനെയും എസ്​.ബി.​െഎയിൽ ലയിപ്പിച്ചിരുന്നു. സമാന മാതൃകയിൽ ഏതാനും പൊതുമേഖലാ ബാങ്കുകളെക്കൂടി ലയിപ്പിക്കാനുള്ള നീക്കം അന്തിമഘട്ടത്തിലാണ്​. 

ആശങ്കയൊഴിയാതെ ​െഎ.ടി
ട്രംപ്​ ഭരണത്തിൻ കീഴിൽ അമേരിക്കയിൽ മാറിവരുന്ന നയങ്ങൾ ​െഎ.ടി രംഗത്ത്​ ഏൽപിച്ച സമ്മർദ്ദം തുടരുകയാണ്​. പുതിയ വർഷത്തിലും വലിയ മാറ്റങ്ങൾ ഇൗ രംഗത്തുള്ളവർ പ്രതീക്ഷിക്കുന്നില്ല. ആറുമാസത്തി​നിടെ ​െഎ.ടി രംഗത്തെ കമ്പനികൾ ഒരു ലക്ഷ​േത്താളം പേരെ പിരിച്ചുവിട്ടതായാണ്​ ‘ഫോറം ഒാഫ്​ ​െഎ.ടി പ്രഫഷനൽസ്​ വിശദീകരിക്കുന്നത്​. െഎ.ടി രംഗ​െത്ത തൊഴിൽ സംരക്ഷിക്കണമെന്ന്​​ ആവശ്യപ്പെട്ട്​ ഫോറം ദേശീയ മനുഷ്യാവകാശ കമീഷനെ സമീപിച്ചിരിക്കുകയാണ്​. 

പ്രതീക്ഷയിൽ റിയൽ എസ്​റ്റേറ്റ്​
2018 ഉയിർത്തെഴുന്നേൽപി​െൻറ വർഷമായിരിക്കുമെന്ന പ്രതീക്ഷയിലാണ്​ റിയൽ എസ്​റ്റേറ്റ്​ മേഖലയിലുള്ളവർ. മിക്ക ബാങ്കുകളും ഭവന വായ്​പ പലിശ കുറച്ചതാണ്​ പ്രതീക്ഷ ഉണർത്തുന്നത്​. 8.35 ശതമാനമാണ്​ ശരാശരി പലിശനിരക്ക്​. ഇതോടെ, സാധാരണക്കാർ വീട്​ വാങ്ങുന്നതിന്​ മുന്നോട്ടുവരും എന്നാണ്​ പ്രതീക്ഷ. ഇത്​ മുന്നിൽകണ്ട്​ ഇടത്തരക്കാർക്ക്​ താങ്ങാവുന്ന 25-50 ലക്ഷം രൂപ ബജറ്റിലുള്ള പാർപ്പിട പദ്ധതികളാണ്​ മിക്ക ബിൽഡർമാരും തയാറാക്കുന്നത്​. 2017 തിരിച്ചടികളുടെ വർഷമായിരുന്നുവെങ്കിലും വിലയിൽ കാര്യമായ കുറവ്​ ഉണ്ടായിരുന്നില്ല. 

ഞാണിന്മേൽ കളിയായി ബജറ്റ്​
പുതിയ സാമ്പത്തിക വർഷത്തിലേക്കുള്ള ബജറ്റ്​ കേന്ദ്ര ധനമന്ത്രിക്ക്​ ശരി​ക്കുമൊരു ഞാണിന്മേൽ കളിയായി മാറും. ബജറ്റ്​ അവതരണത്തിൽ ധനമന്ത്രിമാർ മുഖ്യമായി വരുമാനം പ്രതീക്ഷിക്കുന്നതും ജനങ്ങൾ ആകാംക്ഷയോടെ കാത്തിരിക്കുന്നതും പരോക്ഷ നികുതി മാറ്റങ്ങളാണ്. എക്​സൈസ്^വിൽപന^ സേവന നികുതികളിൽ വരുത്തുന്ന ഏറ്റക്കുറച്ചിലുകളെപ്പറ്റിയുള്ള അവലോകനവും വിപണിയിലും വിലയിലുമാക്കെ അത്​ സൃഷ്​ടിക്കുന്ന ചലനങ്ങളുമൊക്കെ വിലയിരുത്തുന്നതായിരുന്നു ഇതുവരെയുള്ള ബജറ്റുകളിലെ മുഖ്യപങ്ക്​. എന്നാൽ, ചരക്കു സേവന നികുതി നിലവിൽ വന്നതോടെ പരോക്ഷ നികുതി എടുത്ത്​ അമ്മാനമാടിയുള്ള ധനമന്ത്രിമാരുടെ കളി നിലച്ചു.

നികുതി വരുമാനത്തിൽ ഏറ്റക്കുറച്ചിൽവരുത്തുന്നതിനുള്ള മന്ത്രിമാരുടെ അധികാരം ഏറക്കുറെ ഇല്ലാതാവുകയും ചെയ്​തു. ചരക്കു​ സേവന നികുതി നിരക്കിൽ മാറ്റം വരുത്തണമെങ്കിൽ കേന്ദ്ര ധനമന്ത്രിക്ക്​ ജി.എസ്​.ടി കൗൺസിലി​​െൻറ അനുമതി വേണം. ആദായ നികുതിയടക്കം പ്രത്യക്ഷ നികുതികളിൽ ഒരു പരിധിക്കപ്പുറം കൈവെക്കാനുമാവില്ല. മാത്രമല്ല, 2019ലെ ലോക്​സഭ തെരഞ്ഞെടുപ്പിന്​ മുമ്പുള്ള അവസാന സമ്പൂർണ കേന്ദ്ര ബജറ്റാണ്​ വരാനിരിക്കുന്നതും. ജനപ്രിയ പദ്ധതികൾ നടപ്പാക്കണമെങ്കിൽ വരുമാനം വർധിപ്പിക്കണം. നികുതികൂട്ടാതെ വരുമാനം വർധിപ്പിക്കുന്നതിന്​ സ്വീകരിക്കുന്ന ചെപ്പടിവിദ്യ എന്ത്​ എന്നതാവും ബജറ്റിലെ കൗതുകം.