വ്യവസായിക ഉല്‍പാദനം കുറഞ്ഞു, പണപ്പെരുപ്പം കൂടി

ന്യൂഡല്‍ഹി: കേന്ദ്ര സ്റ്റാറ്റിസ്റ്റിക്സ് വിഭാഗം വ്യവസായിക ഉല്‍പാദനസൂചിക പുറത്തുവിട്ടപ്പോള്‍ ഫാക്ടറി ഒൗട്ട്പുട്ടില്‍ 3.19 ശതമാനം ഇടിവ്. വാര്‍ഷിക ചില്ലറ പണപ്പെരുപ്പം 5.61 ശതമാനത്തിലേക്ക് ഉയര്‍ന്നു. നവംബറില്‍ 5.41 ശതമാനമായിരുന്നു ചില്ലറ പണപ്പെരുപ്പം. വൈദ്യുതി നിര്‍മാണം 0.7 ശതമാനവും ഖനികളിലെ ഉല്‍പാദനം 2.3 ശതമാനവും ഉയര്‍ന്നു. ഉപഭോക്തൃ വിലസൂചിക അനുസരിച്ച് വാര്‍ഷിക പണപ്പെരുപ്പനിരക്ക് ഗ്രാമീണ മേഖലകളിലാണ് കൂടുതല്‍. ഗ്രാമീണമേഖലയില്‍ 6.32 ശതമാനവും നഗരങ്ങളില്‍ 4.73 ശതമാനവുമാണ് പണപ്പെരുപ്പനിരക്ക്.