രഘുറാം രാജന്‍െറ അവസാന പണനയ അവലോകനം നാളെ

മുംബൈ: റിസര്‍വ് ബാങ്ക് ഗവര്‍ണര്‍ എന്ന നിലയിലുള്ള രഘുറാം രാജന്‍െറ അവസാന പണനയ അവലോകനം ചൊവ്വാഴ്ച നടക്കും. അടുത്ത അഞ്ചുവര്‍ഷത്തേക്കുള്ള പണപ്പരുപ്പ ലക്ഷ്യം നാലു ശതമാനമായി പ്രഖ്യാപിച്ച പിന്നാലെയുള്ള ദൈ്വമാസ അവലോകനമാണിത്. അടുത്ത അവലോകനത്തിനു മുമ്പ് ഈ ലക്ഷ്യം ഉറപ്പാക്കുന്നതിന് റിസര്‍വ് ബാങ്ക് ഗവര്‍ണര്‍ അധ്യക്ഷനായ ആറംഗ പണനയ കമ്മറ്റിയെ ഇതിനായി സര്‍ക്കാര്‍ നിയോഗിക്കുന്നുണ്ട്. ഈ സാഹചര്യത്തില്‍ റിസര്‍വ് ബാങ്കിന്‍െറ പൂര്‍ണ അധികാരത്തിലുള്ള അവസാന അവലോകനം കൂടിയാവും ഇത്. ജൂണില്‍ ചില്ലറ വിലപ്പെരുപ്പം 5.77 ശതമാനമായിരിക്കെ മുഖ്യപലിശ നിരക്കുകള്‍ ഇത്തവണ കുറക്കാന്‍ സാധ്യതയില്ളെന്നാണ് വിലയിരുത്തല്‍. ഗവര്‍ണറായി ചുമതലയേറ്റശേഷം മൂന്നുവര്‍ഷത്തിനിടെ രാജന്‍ മൂന്നു തവണ പലിശ നിരക്കുകള്‍ ഉയര്‍ത്തുകയും അഞ്ചുതവണ കുറക്കുകയും ചെയ്തിരുന്നു. സെപ്റ്റംബര്‍ നാലിനാണ് അദ്ദേഹത്തിന്‍െറ കാലാവധി അവസാനിക്കുന്നത്.