രൂപയുടെ മൂല്യം രണ്ടുവർഷത്തെ താഴ്ന്ന നിലയിൽ

മുംബൈ: ഡോളറിനെതിരെ രൂപയുടെ മൂല്യം കുറഞ്ഞു. 19 പൈസ താഴ്ന്ന് 66.76 ആണ് രൂപയുടെ മൂല്യം. രണ്ട് വർഷത്തെ ഏറ്റവും താഴ്ന്ന നിലയാണിത്. ഒരു മാസത്തിനിടെ 2.2 ശതമാനമാണ് മൂല്യത്തിൽ കുറവുണ്ടായത്. 66.89 വരെ ശനിയാഴ്ചത്തെ വ്യാപാരത്തിൽ കുറവുവന്നെങ്കിലും 66.76ലേക്ക് തിരിച്ചുവരികയായിരുന്നു.

യു.എസ് ഫെഡറൽ റിസർവ് പലിശനിരക്കുകൾ വർധിപ്പിക്കുമെന്ന ധാരണയിൽ വിദേശ നിക്ഷേപകർ രാജ്യത്തെ വിപണിയിൽ നിന്ന് പിൻമാറിയതാണ് രൂപക്ക് കോട്ടം സംഭവിക്കാൻ കാരണം. 3,207 കോടിയുടെ കടപത്രങ്ങളാണ് ഈ മാസം വിദേശ നിക്ഷേപകർ വിറ്റഴിച്ചത്.