സ്വര്‍ണ ഇറക്കുമതിയില്‍ 61 ശതമാനം വര്‍ധന

ന്യൂഡല്‍ഹി: നടപ്പ് സാമ്പത്തികവര്‍ഷത്തിന്‍െറ ആദ്യ രണ്ടുമാസം ഇന്ത്യയുടെ സ്വര്‍ണ ഇറക്കുമതിയില്‍ 61 ശതമാനം വര്‍ധന. ആഗോളവിപണിയിലെ വിലക്കുറവും റിസര്‍വ് ബാങ്ക് നിയന്ത്രണങ്ങളില്‍ ഇളവ് വരുത്തിയതുമാണ് സ്വര്‍ണ ഇറക്കുമതിക്ക് സഹായകമായത്.
ഏപ്രില്‍, മേയ് മാസങ്ങളിലായി 155 ടണ്‍ സ്വര്‍ണമാണ് ഇറക്കുമതിചെയ്തത്. കഴിഞ്ഞ കുറേമാസങ്ങളായി അന്താരാഷ്ട്ര വിപണിയില്‍ സ്വര്‍ണവില്‍പന ദുര്‍ബലമാണ്. ഇന്ത്യയാണ് സ്വര്‍ണ ഇറക്കുമതിയില്‍ മുന്‍നിരയിലുള്ള രാജ്യം. 2014-15 വര്‍ഷത്തില്‍ ഇന്ത്യ 915.54 ടണ്‍ സ്വര്‍ണമാണ് ഇറക്കുമതി ചെയ്തത്.