സ്വർണവില കുതിച്ചുയരുന്നു; ഇന്നും കൂടി

കൊച്ചി: സ്വർണത്തിന് അടിക്കടി വില കുതിച്ചുയരുന്നു. ഇന്ന് ഗ്രാമിന് 25 രൂപയും പവന് 200 രൂപയുമാണ് വർധിച്ചത്. ഇതോടെ ഗ്രാമിന് 5,060 രൂപയും പവന് 40,480 രൂപയുമായി.

ഈ വർഷം മാർച്ച് 9ന് ശേഷമുള്ള ഏറ്റവും ഉയർന്ന വിലയാണിത്. അന്ന് 40,560 രൂപയായിരുന്നു പവന്.

2020 ആഗസ്ത് ഏഴിനായിരുന്നു സ്വർണത്തിന് സർവകാല റെക്കോർഡ്. പവന് 42,000 രൂപയും ഗ്രാമിന് 5250 രൂപയുമായിരുന്നു അന്ന് വില.

സ്വർണത്തിന് കഴിഞ്ഞ 5 വർഷത്തിനിടെ 91.30 ശതമാനമാണ് വില വർധിച്ചത്. 2017 ജനുവരി 1 ന് സ്വർണ വില ഗ്രാമിന് 2,645 രൂപയും പവൻ വില 21,160 രൂപയുമായിരുന്നു. ഇന്ന് യഥാക്രമം 5,060 രൂപയും 40,480 രൂപയുമായി ഉയർന്നു. അതായത്, അഞ്ചുവർഷത്തിനിടെ ഗ്രാമിന് 2,415 രൂപയും പവന് 19,320 രൂപയുമാണ് വർധിച്ചത്.

ഒരുവർഷത്തിനിടെ സ്വർണത്തിന് കൂടിയത് 11.55 ശതമാനം

കഴിഞ്ഞ ഒരു വർഷത്തിനിടെ സ്വർണവില 11.55 ശതമാനമാണ് വർധിച്ചത്. 2022 ജനുവരി 1 ന് 4,545 രൂപയായിരുന്നു ഗ്രാമിന്. പവന് 36360 രൂപയും. ഇന്ന് 5060 രൂപ ഗ്രാമിനും, 40560 രൂപ പവനും വിലയായി. അതായത്, ഒരു വർഷത്തിനിടെ ഒരു പവന് 4,200 രൂപയുടെ വർധനവാണ് ഉണ്ടായത്.