സ്വർണക്കട്ടികൾക്ക് ടി.സി.എസ്; സ്വർണവ്യാപര മേഖലയെ പ്രതിസന്ധിയിലാക്കുമെന്ന്​ വ്യാപാരികൾ

മ​ല​പ്പു​റം: 24 കാ​ര​റ്റ് സ്വ​ർ​ണ​ക്ക​ട്ടി​ക​ൾ​ക്ക് ഒ​ക്‌​ടോ​ബ​ർ ഒ​ന്നു​മു​ത​ൽ ഏ​ർ​പ്പെ​ടു​ത്തി​യ ഉ​റ​വി​ട​ത്തി​ൽ​നി​ന്നു​ള്ള നി​കു​തി (ടി.​സി.​എ​സ്) സ്വ​ർ​ണ വ്യാ​പ​ര മേ​ഖ​ല​യെ പ്ര​തി​സ​ന്ധി​യി​ലാ​ക്കു​മെ​ന്ന്​ വ്യാ​പാ​രി​ക​ൾ. ബു​ള്ളി​യ​ൻ വ്യാ​പാ​രി​ക​ൾ​ക്കും ജ്വ​ല്ല​റി​ക​ൾ​ക്കും ഒ​രു​പോ​ലെ ടി.​സി.​എ​സ്​​ തി​രി​ച്ച​ടി​യാ​കു​മെ​ന്നാ​ണ് വി​ല​യി​രു​ത്ത​ൽ. സ്വ​ർ​ണ​ക്ക​ട്ടി​ക്ക് 0.1 ശ​ത​മാ​നം ഉ​റ​വി​ട​ത്തി​ൽ​നി​ന്നു​ള്ള നി​കു​തി ന​ൽ​ക​ണ​മെ​ന്നാ​ണ് പു​തി​യ വ്യ​വ​സ്ഥ.

സ്വ​ർ​ണ​ക്ക​ട്ടി ബാ​ങ്കി​ൽ​നി​ന്ന് വാ​ങ്ങു​മ്പോ​ൾ ഉ​ണ്ടാ​കു​ന്ന ലാ​ഭ​ത്തേ​ക്കാ​ൾ കൂ​ടു​ത​ൽ വ്യാ​പാ​രി​ക​ൾ നി​കു​തി അ​ട​ക്കേ​ണ്ട​താ​യി വ​രും. 10 കോ​ടി രൂ​പ​യു​ടെ വാ​ർ​ഷി​ക വി​റ്റു​വ​ര​വു​ള്ള വ്യാ​പാ​രി​ക​ളാ​ണ് ഇ​തി​െൻറ പ​രി​ധി​യി​ൽ വ​രു​ക. ദി​വ​സേ​ന 55 ഗ്രാം ​സ്വ​ർ​ണാ​ഭ​ര​ണം വി​ൽ​ക്കു​ന്ന വ്യാ​പാ​രി​ക​ൾ ഇ​തി​െൻറ പ​രി​ധി​യി​ൽ വ​രും. പു​തി​യ നി​യ​മം പ്ര​വ​ർ​ത്ത​ന മൂ​ല​ധ​നം ക​ണ്ടെ​ത്താ​ൻ പ്ര​തി​സ​ന്ധി സൃ​ഷ്​​ടി​ക്കു​മെ​ന്ന ആ​ശ​ങ്ക​യി​ലാ​ണ് സ്വ​ർ​ണ വ്യാ​പാ​ര മേ​ഖ​ല. ഒ​രു കി​ലോ​ഗ്രാം 24 കാ​ര​റ്റ്​ സ്വ​ർ​ണം ബാ​ങ്കു​ക​ളി​ൽ​നി​ന്ന്​ എ​ടു​ക്കു​ന്ന​തി​ന് ഇ​പ്പോ​ഴ​ത്തെ വി​ല​യ​നു​സ​രി​ച്ച് 5300 രൂ​പ ടി.​സി.​എ​സ് ന​ൽ​കേ​ണ്ടി വ​രും.

ഒ​രു കി​ലോ​ഗ്രാം സ്വ​ർ​ണാ​ഭ​ര​ണം നി​ർ​മാ​താ​വി​ൽ​നി​ന്ന്​ വാ​ങ്ങു​ന്ന വ്യാ​പാ​രി​യും ടി.​സി.​എ​സ് മു​ൻ​കൂ​ർ അ​ട​ക്കാ​ൻ ബാ​ധ്യ​സ്ഥ​നാ​ണെ​ന്നും വ്യ​പാ​ര സം​ഘ​ട​ന​ക​ൾ പ​റ​യു​ന്നു.മി​ക്ക ബു​ള്ളി​യ​ൻ വ്യാ​പാ​രി​ക​ളും യ​ഥാ​ർ​ഥ നി​കു​തി ന​ൽ​കേ​ണ്ട​തി​നെ​ക്കാ​ൾ കൂ​ടു​ത​ൽ നി​കു​തി ടി.​സി.​എ​സ് ആ​യി ന​ൽ​കേ​ണ്ടി വ​രും. ഇ​ത് പ്ര​വ​ർ​ത്ത​ന മൂ​ല​ധ​നം ത​ട​സ്സ​പ്പെ​ടു​ത്തു​മെ​ന്നാ​ണ്​ ഇൗ ​മേ​ഖ​ല​യി​ലു​ള്ള​വ​ർ പ​റ​യു​ന്ന​ത്. ഇ​ത്ത​രം കാ​ര്യ​ങ്ങ​ൾ ചൂ​ണ്ടി​ക്കാ​ട്ടി ടി.​സി.​എ​സ് പി​ൻ​വ​ലി​ക്ക​ണ​മെ​ന്നാ​വ​ശ്യ​പ്പെ​ട്ട്​ അ​ഖി​ലേ​ന്ത്യ ജെം​സ് ആ​ൻ​ഡ് ജ്വ​ല്ല​റി കൗ​ൺ​സി​ൽ (ജി.​ജെ.​സി) ധ​ന​മ​ന്ത്രി നി​ർ​മ​ല സീ​താ​രാ​മ​ന് ക​ത്ത​യ​ച്ചി​രു​ന്നു. ഈ ​വ്യ​വ​സ്ഥ ലാ​ഭ​ത്തേ​ക്കാ​ൾ വ​ലി​യ നി​കു​തി​ഭാ​ര​മാ​ണ് സൃ​ഷ്‌​ടി​ക്കു​ന്ന​തെ​ന്നും സ്വ​ർ​ണ വ്യാ​പാ​ര​മേ​ഖ​ല​യെ ഇ​ത്​ പ്ര​തി​സ​ന്ധി​യി​ലാ​ക്കു​മെ​ന്നും ജി.​ജെ.​സി ദേ​ശീ​യ ഡ​യ​റ​ക്​​ട​ർ എ​സ്. അ​ബ്​​ദു​ൽ നാ​സ​ർ പ​റ​ഞ്ഞു. പു​തി​യ വ്യ​വ​സ്ഥ ക​ള്ള​ക്ക​ട​ത്തും അ​ന​ധി​കൃ​ത വ്യാ​പാ​ര​ത്തെ പ്രോ​ത്സാ​ഹി​പ്പി​ക്കു​മെ​ന്നും അ​ദ്ദേ​ഹം അ​ഭി​പ്രാ​യ​പ്പെ​ട്ടു.