Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightBusinesschevron_rightBiz Newschevron_rightചൈന വിരുദ്ധവികാരം...

ചൈന വിരുദ്ധവികാരം തിരിച്ചടിയായി? ഇന്ത്യയിൽ ഷവോമിയെ മുട്ടുകുത്തിച്ച്​ സാംസങ്​

text_fields
bookmark_border
ചൈന വിരുദ്ധവികാരം തിരിച്ചടിയായി? ഇന്ത്യയിൽ ഷവോമിയെ മുട്ടുകുത്തിച്ച്​ സാംസങ്​
cancel

അതിർത്തിയിലുണ്ടായ സംഘർഷങ്ങൾക്ക്​ പിന്നാലെ രാജ്യത്ത്​ ചൈന വിരുദ്ധ വികാരം ഉടലെടുത്തതോടെ വിവിധ ചൈനീസ്​ കമ്പനികൾ ഇന്ത്യയിൽ നേരിട്ടത്​ വമ്പൻ തിരിച്ചടിയാണ്​. എന്നാൽ, ഇന്ത്യയുടെ സ്​മാർട്ട്ഫോൺ മാർക്കറ്റിൽ എതിരാളികളെ ഏറെ പിന്നിലാക്കി ഒന്നാമനായി വിലസുകയായിരുന്ന ഷവോമിക്ക്​ അതൊന്നും ഒരു വെല്ലുവിളിയാകില്ലെന്ന്​ ധരിച്ചവർക്ക്​ തെറ്റി. ഷവോമിയുടെ അപ്രമാദിത്വം സാംസങ്​ തകർത്തു എന്നാണ്​ കൗണ്ടർപോയിൻറ്​ റിസേർച്ച്​ പുറത്തുവിട്ട പുതിയ ഡാറ്റ പറയുന്നത്​.

നീണ്ട രണ്ടുവർഷങ്ങൾക്ക്​ ശേഷമാണ്​ കൊറിയൻ കമ്പനിയായ സാംസങ്​ ഇന്ത്യൻ സ്​മാർട്ട്​ഫോൺ വിപണിയുടെ രാജാവാകുന്നത്​​. ഒാൺലൈൻ വിൽപ്പനയിലൂടെ യുവാക്കളുടെ ഹരമായി മാറിയ ഷവോമി കഴിഞ്ഞ രണ്ടുവർഷമായി ഒന്നാമനായിരുന്നു. കഴിഞ്ഞ ആഗസ്​തിലെ കണക്കുകൾ അനുസരിച്ച്​ സാംസങ്ങി​െൻറ മാർക്കറ്റ്​ ഷെയർ 25 ശതമാനവും ഷവോമിയുടേത്​ 21 ശതമാനവുമാണ്​. ഇന്ത്യയിലെ നിലവിലെ സാഹചര്യം തന്നെയാണ്​ ചൈനീസ്​ വമ്പൻമാർക്ക്​ തിരിച്ചടിയായത്​.

സാംസങ്​ എം സീരീസിലുള്ള ഫോണുകൾ ഒാൺലൈനിൽ അവതരിപ്പിച്ചത്​ അവരുടെ മുന്നേറ്റത്തിനെ ഏറെ സ്വാധീനിച്ചതായി കൗണ്ടർപോയിൻറ്​ അനലിസ്റ്റായ പ്രാചീർ സിങ്​ പറഞ്ഞു. വിവോ, ഷവോമി തുടങ്ങിയ ചൈനീസ്​ കമ്പനികൾ അടക്കിവാണിരുന്ന ബജറ്റ്​ ഫോണുകളുടെ ഒാണലൈൻ വിപണിയിൽ എം സീരീസിലെ ഫോണുകൾ കൊണ്ട്​ മാത്രം സാംസങ്​ വലിയ നേട്ടമുണ്ടാക്കിയതായി അദ്ദേഹം പറഞ്ഞു.

ലോകത്ത്​ ഏറ്റവും കൂടതൽ വിൽക്കപ്പെട്ട ഫോണുകളിൽ രണ്ടാമനായി സാംസങ്ങി​െൻറ തന്നെ എ51 എന്ന മോഡൽ തെരഞ്ഞെടുക്കപ്പെട്ടത്​ വാർത്തയായിരുന്നു. ഇന്ത്യയിലെ ഒാഫ്​ലൈൻ മാർക്കറ്റിൽ എ സീരീസ്​ ഫോണുകൾ ഏറെ വിറ്റഴിക്കപ്പെടുന്നുണ്ട്​. ഒാൺലൈനിൽ എം സീരീസ്​ ഫോണുകൾക്ക്​ ആവശ്യക്കാരേറിയതോടെ മികച്ച ഫീച്ചറുകളുള്ള ഫോണുകൾ അവതരിപ്പിച്ച്​ ​മറ്റു കമ്പനികൾക്ക്​ സാംസങ്​ വലിയ വെല്ലുവിളിയാണ്​ സൃഷ്​ടിച്ചുകൊണ്ടിരിക്കുന്നത്​.

Show Full Article
TAGS:Samsung Xiaomi Indian Smartphone Market 
Web Title - Samsung Overtakes Xiaomi to Regain Top-Spot in Indian Smartphone Market
Next Story