പലിശനിരക്കുകളിൽ മാറ്റം വരുത്താതെ റിസർവ്​ ബാങ്ക്​

മുംബൈ: ഏറ്റവും താഴ്​ന്ന നിലയിലായിരുന്ന പലിശ നിരക്കുകളിൽ മാറ്റം വരുത്താതെ തുടരാൻ റിസർവ്​ ബാങ്ക്​. റിസർവ്​ ബാങ്ക്​, വാണിജ്യ ബാങ്കുകൾക്കു നൽകുന്ന വായ്​പയുടെ പലിശനിരക്കായ റിപോ നാലു ശതമാനത്തിൽ തുടരും.

ബാങ്കുകൾ, റിസർവ്​ ബാങ്കിൽ നിക്ഷേപിക്കുന്ന തുകക്ക്​ റിസർവ്​ ബാങ്ക്​ നൽകുന്ന പലിശനിരക്കായ റിവേഴ്​സ്​ റിപോ 3.5 ശതമാനത്തിലും തുടരാനാണ്​ തീരുമാനം.

വെള്ളിയാഴ്ച ചേർന്ന റിസർവ്​ ബാങ്കി‍െൻറ ആറംഗ ധനനയ സമിതി 5-1 എന്ന ഭൂരിപക്ഷത്തിലാണ്​ തീരുമാനമെടുത്തതെന്ന്​ ആർ.ബി.ഐ ഗവർണർ ശക്തികാന്ത ദാസ്​ അറിയിച്ചു.

സമ്പദ്​വ്യവസ്​ഥ തിരിച്ചുവരവി‍െൻറ പാതയിലേക്ക്​ കയറിയതിനാൽ കോവിഡ്കാല ഉത്തേജന പദ്ധതികൾ പതിയെ കുറച്ചുകൊണ്ടുവരാൻ ഒരുങ്ങുകയാണെന്നും ഗവർണർ സൂചന നൽകി.