M4 'മലബാറിക്കസ്​'; കടൽ കടക്കുന്ന കപ്പയുടെ രുചിമികവ്​

കപ്പ അഥവാ മരച്ചീനി മുന്നൂറോളം വെറൈറ്റികൾ ഉള്ളതായി കണക്കാക്കപ്പെടുന്നു. ഇവയിൽ മിക്ക ഇനങ്ങളും വ്യാവസായിക ആവശ്യങ്ങളായ

സ്​റ്റാർച്ച്​, ലിക്വിഡ്​ ഗ്ലൂക്കോസ്​ എന്നിവയുടെ നിർമാണത്തിനായി ഉപയോഗിക്കപ്പെടുന്നു. എന്നാൽ, ഭക്ഷ്യയോഗ്യമായ ഇനം ഇതിൽ നാമമാത്രമാണ്​. അതിൽ ഏറ്റവും മുന്തിയ ഇനമായി കരുതപ്പെടുന്നത്​ M4 (മലയം-4) (Malayam-4) എന്ന ഇനമാണ്.​ ഇത്​ നല്ല പൊടിയുള്ളതും രുചിയേറിയതും ഏറെ മാർദവം ഉള്ളതുമാണ്​. M4 ഇനം കപ്പ വയലുകളിൽ കൃഷിചെയ്യുന്ന നാനൂറോളം കർഷകരുമായി ചേർന്ന്​ കോൺട്രാക്​ട്​ ഫാമിങ്ങിലൂടെ ഇവ സംഭരിച്ച്​ സംസ്​കരിച്ച ശേഷം 'മലബാറിക്കസ്​' എന്ന ബ്രാൻഡിൽ ഗൾഫ്​ രാജ്യങ്ങളിൽ എത്തിക്കുകയാണ്​ കൊച്ചി ആസ്​ഥാനമായി പ്രവർത്തിക്കുന്ന മേയ്​ ബോൺ ഫൂഡ്​ സ്​പെഷ്യാലിറ്റീസ്​ PVT LTD (May born food specialities PVT LTD) എന്ന സ്​ഥാപനം. അരൂരിനടുത്തുള്ള ഇവരുടെ അത്യാധുനിക ഫാക്​ടറിയിലാണ്​ കപ്പ സംസ്​കരിക്കുന്നത്​. ഇവിടെ ISO 22000, HCCP എന്നീ ഫുഡ്​ സേഫ്​റ്റി മാനദണ്ഡങ്ങൾ പാലിച്ചാണ്​ സംസ്​കരണം. കൂടാതെ കർശന കോവിഡ്​ ​പ്രോ​ട്ടോക്കോൾ നടപ്പാക്കിയിരിക്കുന്നു. 24 മണിക്കൂർ പ്രവർത്തിക്കുന്ന ഇൻ ഹൗസ്​ ലബോറട്ടറികൾ മറ്റൊരു പ്രത്യേകതയാണ്​.