ഗുജറാത്തിൽ 4000 കോ​ടിയു​ടെ നി​ക്ഷേ​വുമായി ലുലു ഗ്രൂപ്പ്​

കൊ​ച്ചി: ഇ​ന്ത്യ-​യു.​എ.​ഇ ബ​ന്ധ​ത്തി​ന്റെ നേ​ർ​ചി​ത്ര​മാ​യി മാ​റി​യ വൈ​ബ്ര​ന്റ് ഗു​ജ​റാ​ത്ത് ഉ​ച്ച​കോ​ടി​യു​ടെ ഭാ​ഗ​മാ​യി വ​ലി​യ നി​ക്ഷേ​പ പ​ദ്ധ​തി​ക​ൾ പ്ര​ഖ്യാ​പി​ച്ച് ലു​ലു ഗ്രൂ​പ്പ്​. ഗു​ജ​റാ​ത്തി​ൽ 4000 കോ​ടി രൂ​പ​യു​ടെ നി​ക്ഷേ​പം ലു​ലു ഗ്രൂ​പ്പ്​​ ന​ട​ത്തും. ഇ​തി​ന്റെ ഭാ​ഗ​മാ​യി അ​ഹ​മ്മ​ദാ​ബാ​ദി​ൽ‌ രാ​ജ്യ​ത്തെ ഏ​റ്റ​വും വ​ലി​യ ഷോ​പ്പി​ങ്​ മാ​ൾ നി​ർ​മി​ക്കു​മെ​ന്ന് ലു​ലു ഗ്രൂ​പ്പ്​​ ചെ​യ​ർ​മാ​ൻ‌ എം.​എ. യൂ​സ​ഫ​ലി അ​റി​യി​ച്ചു. അ​ത്യാ​ധു​നി​ക സൗ​ക​ര്യ​ങ്ങ​ളോ​ടെ ആ​ഗോ​ള നി​ല​വാ​ര​ത്തി​ലാ​ണ് അ​ഹ​മ്മ​ദാ​ബാ​ദ് ലു​ലു മാ​ൾ ഉ​യ​രു​ക.

പ​ഞ്ച​ന​ക്ഷ​ത്ര ഹോ​ട്ട​ലും അ​ഹ​മ്മ​ദാ​ബാ​ദി​ൽ നി​ർ​മി​ക്കും. പ്ര​ധാ​ന​മ​ന്ത്രി ന​രേ​ന്ദ്ര​മോ​ദി, ഗു​ജ​റാ​ത്ത് മു​ഖ്യ​മ​ന്ത്രി ഭൂ​പേ​ന്ദ്ര​ഭാ​യ് പ​ട്ടേ​ൽ എ​ന്നി​വ​രു​മാ​യി ഉ​ച്ച​കോ​ടി​യു​ടെ ഭാ​ഗ​മാ​യി ന​ട​ത്തി​യ കൂ​ടി​ക്കാ​ഴ്ച​ക്ക്​ പി​ന്നാ​ലെ​യാ​ണ് പ്ര​ഖ്യാ​പ​നം.‌ പു​തി​യ നി​ക്ഷേ​പ പ​ദ്ധ​തി​ക​ളു​ടെ മി​നി​യേ​ച്വ​ർ മാ​തൃ​ക യു.​എ.​ഇ പ​വ​ലി​യ​നി​ൽ ലു​ലു ഗ്രൂ​പ്പ്​​ പ്ര​ദ​ർ​ശി​പ്പി​ച്ചു. യു.​എ.​ഇ വി​ദേ​ശ വ്യാ​പാ​ര സ​ഹ​മ​ന്ത്രി ഥാ​നി ബി​ൻ അ​ഹ്​​മ​ദ് അ​ൽ സെ​യൂ​ദി, ഇ​ന്ത്യ​യി​ലെ യു.​എ.​ഇ അം​ബാ​സ​ഡ​ർ ജ​മാ​ൽ അ​ൽ ശാ​ലി, എം.​എ. യൂ​സ​ഫ​ലി എ​ന്നി​വ​ർ ചേ​ർ​ന്നാ​ണ് പ​വ​ലി​യ​ൻ ഉ​ദ്ഘാ​ട​നം ചെ​യ്​​ത​ത്.

ഇ​ന്ത്യ​യും യു.​എ.​ഇ​യും ത​മ്മി​ലു​ള്ള ദൃ​ഢ​ബ​ന്ധ​ത്തി​ന്റെ പ്ര​തീ​ക​മാ​യി ഉ​ച്ച​കോ​ടി മാ​റി​യെ​ന്നും യൂ​സ​ഫ​ലി പ​റ​ഞ്ഞു. വ​ലി​യ നി​ക്ഷേ​പ​ങ്ങ​ൾ​ക്കാ​ണ് വൈ​ബ്ര​ന്റ് ഗു​ജ​റാ​ത്ത് ഉ​ച്ച​കോ​ടി​യി​ൽ വ​ഴി​തു​റ​ന്ന​തെ​ന്നും ഇ​തി​ന് മു​ൻ​കൈ​യെ​ടു​ത്ത പ്ര​ധാ​ന​മ​ന്ത്രി​യേ​യും ഗു​ജ​റാ​ത്ത് മു​ഖ്യ​മ​ന്ത്രി​യെ​യും അ​ഭി​ന​ന്ദി​ക്കു​ന്നു​വെ​ന്നും അ​ദ്ദേ​ഹം കൂ​ട്ടി​ച്ചേ​ർ‌​ത്തു.