Begin typing your search above and press return to search.
proflie-avatar
Login
exit_to_app
exit_to_app
RBI
cancel
Homechevron_rightBusinesschevron_rightBiz Newschevron_rightബിറ്റ്​കോയിൻ പോലല്ല,...

ബിറ്റ്​കോയിൻ പോലല്ല, വരുന്നത്​ 'മെയ്​ഡ്​​ ഇൻ ഇന്ത്യ' ഡിജിറ്റൽ കറൻസി

text_fields
bookmark_border

ന്യൂഡൽഹി: രാജ്യത്ത്​ ഡിജിറ്റൽ കറൻസി അവതരിപ്പിക്കാനുള്ള ഒരുക്കത്തിലാണ്​ റിസർവ്​ ബാങ്ക്​. സെൻട്രൽ ബാങ്ക്​ ഡിജിറ്റൽ കറൻസി (സി.ബി.ഡി.സി) എന്നറിയപ്പെടുന്ന ഇവ ഈ വർഷം അവസാനത്തോടെ അവതരിപ്പിക്കുമെന്നാണ്​ വിവരം.

ബിറ്റ്​കോയിൻ ഉൾപ്പെടെ നിരവധി ക്രിപ്​റ്റോ കറൻസികൾ രംഗം കീഴടക്കുന്നതിന്​ മുമ്പുതന്നെ നിരവധി ധനകാര്യ സ്​ഥാപനങ്ങൾ ഒൗദ്യോഗികമായി അംഗീകരിക്ക​പ്പെടുന്നതും സമ്പദ്​വ്യവസ്​ഥയുടെ ഭാഗമായതുമായ ഡിജിറ്റൽ കറൻസി കൊണ്ടുവരികയെന്ന ആശയം മുന്നോട്ടുവെച്ചിരുന്നു. രാജ്യത്ത്​ സി.ബി.ഡി.സിയുടെ അവതരണം സാമ്പത്തിക മേഖലയിൽ പുത്തൻ ചുവടുവെപ്പിനുള്ള തുടക്കമാകുമെന്നാണ്​ കണക്കാക്കുന്നത്​. രാജ്യത്ത്​ പരമ്പരാഗത ബാങ്കിങ്​ രീതികളെ പൊളിച്ചെഴുതി നവീന ബാങ്കിങ്​ സാധ്യതകൾ ആവിഷ്​കരിക്കുകയെന്നതാണ്​ റിസർവ്​ ബാങ്കിന്‍റെ ലക്ഷ്യം.

ഡിസംബറോടെ ഡിജിറ്റൽ കറൻസി പരീക്ഷണാടിസ്​ഥാനത്തിൽ പുറത്തിറക്കുമെന്ന്​ ആർ.ബി.ഐ ഗവർണർ ശക്തികാന്ത ദാസ്​ അറിയിച്ചിരുന്നു. ഡിജിറ്റൽ കറൻസിയിൽ ആർ.ബി.ഐ ശ്രദ്ധ പതിപ്പിക്കുകയാണെന്നും ആർ.ബി.ഐക്ക്​ മാത്രമല്ല, ലോകത്തിന്​ തന്നെ നൂതനമാണ്​ ഡിജിറ്റൽ കറൻസിയെന്നും അദ്ദേഹം കൂട്ടിച്ചേർത്തിരുന്നു.

സെൻട്രൽ ബാങ്ക്​ ഡിജിറ്റൽ കറൻസി

സെൻട്രൽ ബാങ്ക്​ നൽകുന്ന ഒരു ഡിജിറ്റൽ അല്ലെങ്കിൽ വിർച്വൽ കറൻസിയാണ്​ സി.ബി.ഡി.സി. ടെണ്ടർ രൂപത്തിലായിരിക്കും ഇവ റിസർവ്​ ബാങ്ക്​ പുറത്തിറക്കുക. നിലവിലെ കറൻസികളുടെ അതേ മൂല്യത്തിലായിരിക്കും ഡിജിറ്റൽ കറൻസികളും. അതിൽ പ്ര​ധാനം, നിയമപരമായി അംഗീകരിക്കപ്പെട്ട കറൻസിയായിരിക്കും ഇവ. കൂടാതെ ഔദ്യോഗിക ധനകാര്യ സ്​ഥാപനം സി.ബി.ഡി.സി ഇടപാടുകൾ അംഗീകരിക്കുകയും ചെയ്യും. പരസ്​പരം ഇവ കൈമാറ്റം നടത്താൻ സാധിക്കും. എന്നാൽ ബിറ്റ്​കോയിൻ പോലെയായിരിക്കില്ല. മറ്റൊരു ഫോർമാറ്റിലായിരിക്കും. നിലവിലെ നോട്ടുകളുടെ അതേ മൂല്യമായിരിക്കും ഡിജിറ്റൽ കറൻസികൾക്കും.

പണത്തിന്‍റെ ഇലക്​ട്രോണിക്​ രൂപമാണ്​ ഡിജിറ്റൽ കറൻസി. പണത്തിന്‍റെ അതേ രീതിയിൽ ഇടപാടുകൾ നടത്താനും സാധിക്കും. മറ്റ്​ മധ്യവർത്തികളുടെയോ ബാങ്കുകളുടെയോ സാന്നിധ്യം ഇതിന്​ ആവശ്യമില്ല.

ഡിജിറ്റൽ കറൻസിയുടെ സുരക്ഷിതത്വം, ഡിജിറ്റൽ കറന്‍സി മൂലം വരുന്ന മാറ്റങ്ങൾ, പണനയം, നിലവിലുള്ള കറൻസിയെ ബാധിക്കുന്ന രീതി തുടങ്ങിയവ ആർ.ബി.​െഎ പഠനവിധേയമാക്കുന്നുണ്ട്​.

ബിറ്റ്​കോയിൻ പോലല്ല

ബിറ്റ്​കോയിൻ പോലുള്ള ക്രിപ​്​റ്റോ കറൻസികൾക്ക്​ ഒരു സമ്പദ്​ വ്യവസ്​ഥയിൽ നിലനിൽക്കുന്ന പണത്തിന്‍റെ യഥാർഥ മൂല്യം ആയിരിക്കില്ല. മറ്റു പല ഘടകങ്ങളുടെയും സ്വാധീനത്താൽ മൂല്യം മാറിവരും. ഉദാഹരണത്തിന്​ ഒരു ബിറ്റ്​കോയിൻ ഒരു രൂപക്ക്​ തുല്യമായിരിക്കില്ല. ക്രിപ്​റ്റോ കറൻസികൾക്ക്​ ഒൗദ്യോഗിക ഇഷ്യൂവർ ഇല്ലയെന്നതാണ്​ മറ്റൊരു പ്രധാന കാര്യം. അതിനാൽ തന്നെ അവ അസ്​ഥിരമായിരിക്കും. നിയമപരമായ യാതൊരു സംവിധാനവും അതിനെ ചുറ്റിപറ്റിയുണ്ടാകില്ല. എന്നാൽ സെൻട്രൽ ബാങ്ക്​ ഡിജിറ്റൽ കറൻസി പുറത്തിറക്കുന്നത്​ ആർ.​ബി.ഐ ആയിരിക്കും. അതിനാൽ പണമായി തന്നെ ഇവയെ കണക്കാക്കും.

ഡിജിറ്റൽ കറൻസിയിൽ ഇന്ത്യ എവിടെ​?

വൻ ഡിജിറ്റൽ ആസ്​തിയായി വെർച്വൽ കറൻസിയെ അവതരിപ്പിക്കാനാണ്​ ആർ.ബി.ഐയുടെ ലക്ഷ്യം. എന്നാൽ, വളരെ കുറച്ച്​ രാജ്യങ്ങൾ മാത്രമാണ്​ ഡിജിറ്റൽ കറൻസിയെന്ന ആശയം ഉൾ​െക്കാണ്ട്​ നീക്കങ്ങൾ നടത്തുന്നത്​. ഭൗതിക പണമിടപാടുകൾ കുറക്കുന്നതും ആർ.ബി.ഐയുടെ ലക്ഷ്യത്തിൽ ഉൾപ്പെടും. ദീർഘാകാലാടിസ്​ഥാനത്തിൽ ഡിജിറ്റൽ സാധ്യതകളായിരിക്കും കൂടുതൽ നിലനിൽക്കുകയെന്നും റിസർവ്​ ബാങ്ക്​ വിശ്വസിക്കുന്നു. പണമിടപാടുകൾ എളുപ്പത്തിൽ നടത്തുന്നതിനും ഒരു രാജ്യത്തുനിന്ന്​ മറ്റൊരിടത്തേക്ക്​ പണം അയക്കുന്നതിനും ഇതിലൂടെ സാധിക്കും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:BitcoinDigital Currencycentral bank digital currencyCBDC
News Summary - Indias Own Digital Currency How Different it is from Bitcoin
Next Story