Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightBusinesschevron_rightBiz Newschevron_rightകോവിഡ്​ ഇന്ത്യൻ...

കോവിഡ്​ ഇന്ത്യൻ സമ്പദ്​വ്യവസ്ഥയെ ഗുരുതരമായി ബാധിക്കുമെന്ന്​ പഠനം

text_fields
bookmark_border
കോവിഡ്​ ഇന്ത്യൻ സമ്പദ്​വ്യവസ്ഥയെ ഗുരുതരമായി ബാധിക്കുമെന്ന്​ പഠനം
cancel

ന്യൂഡൽഹി: കോവിഡ്​ 19 പ്രതിസന്ധി ഏറ്റവും ഗുരുതരമായി ബാധിച്ചത്​ ഇന്ത്യൻ സമ്പദ്​വ്യവസ്ഥയെ എന്ന്​ പഠനം. ഓക്​സ്​ഫോഡ്​ ഇക്കണോമിക്​സാണ്​ ഇതുസംബന്ധിച്ച പഠനം നടത്തിയത്​. അടുത്ത നാല്​ വർഷത്തേക്ക്​ 4.5 ശതമാനം നിരക്കിലാവും ഇന്ത്യൻ സമ്പദ്​വ്യവസ്ഥ വളരുക. കോവിഡിന്​ മുമ്പ്​ 6.5 ശതമാനം നിരക്കിൽ സമ്പദ്​വ്യവസ്ഥ വളരുമെന്നായിരുന്നു പ്രവചനം.

2020 സാമ്പത്തിക വർഷത്തിൽ കോർപ്പറേറ്റ്​ സ്ഥാപനങ്ങളുടെ ബാലൻസ്​ ഷീറ്റിൽ ഇടിവാണ്​ രേഖപ്പെടുത്തുന്നത്​. ബാങ്കുകളിലെ കിട്ടാകടത്തിൻെറ തോത്​ വർധിക്കുകയും ബാങ്കിങ്​ ഇതര ധനകാര്യ സ്ഥാപനങ്ങൾ വൻ പ്രതിസന്ധി നേരിടുകയുമാണ്​ ചെയ്യുന്നതെന്ന്​ പഠനം നടത്തിയ പ്രിയങ്ക കിഷോർ പറയുന്നു. വരും നാളുകളിലും ഈ സ്ഥിതി തുടരാൻ തന്നെയാണ്​ സാധ്യത. ഇത്​ ഇന്ത്യൻ സമ്പദ്​വ്യവസ്ഥയെ ആഗോളതലത്തിൽ ഏറ്റവും മോശം അവസ്ഥയിലേക്ക്​ എത്തിക്കുമെന്നും അവർ മുന്നറിയിപ്പ്​ നൽകുന്നു.

ഇന്ത്യൻ സമ്പദ്​വ്യവസ്ഥ കടുത്ത വെല്ലുവിളി നേരിടുകയാണെന്ന്​ ആർ.ബി.ഐയും മുന്നറിയിപ്പ്​ നൽകിയിരുന്നു. നവംബർ 27 ന്​ പുറത്തുവിട്ട റിപ്പോർട്ടിൽ ഇന്ത്യൻ സമ്പദ്​വ്യവസ്ഥ സാ​ങ്കേതികമായി മാന്ദ്യത്തിലേക്ക്​ കടക്കുകയാണെന്ന മുന്നറിയിപ്പ്​ നൽകിയിരുന്നു.

Show Full Article
TAGS:covid 19 ecnomic crisis indian economy 
Web Title - India Will Be Worst-Hit Among Major Economies Long After Covid: Report
Next Story