Begin typing your search above and press return to search.
exit_to_app
exit_to_app
Homechevron_rightBusinesschevron_rightBiz Newschevron_right'ഞാൻ ജനിച്ചത്​ യെമനിൽ,...

'ഞാൻ ജനിച്ചത്​ യെമനിൽ, എനിക്ക്​ അറബി രക്​തമാണെന്ന്​ പിതാവ്​ എപ്പോഴും പറയുമായിരുന്നു' -അംബാനി

text_fields
bookmark_border
ഞാൻ ജനിച്ചത്​ യെമനിൽ, എനിക്ക്​ അറബി രക്​തമാണെന്ന്​ പിതാവ്​ എപ്പോഴും പറയുമായിരുന്നു -അംബാനി
cancel

ആഗോള സാമ്പത്തിക വ്യവസ്​ഥയുടെ ഭാവിയിലേക്ക് പുതിയ അധ്യായങ്ങൾ രചിച്ചുകൊണ്ടായിരുന്നു​ മൂന്ന് ദിവസം നീണ്ട പ്രഥമ ഖത്തർ സാമ്പത്തിക ഫോറം (ക്യു.ഇ.എഫ്) കഴിഞ്ഞ ദിവസം അവസാനിച്ചത്​. പൂർണമായും ഒാൺലൈൻ വഴി നടന്ന സാമ്പത്തിക ഫോറത്തിൽ നിരവധി സാമ്പത്തിക വിദഗ്ധരും രാഷ്​ട്രീയ, സാമൂഹിക മേഖലകളിലെ പ്രമുഖ വ്യക്തിത്വങ്ങളും രാഷ്​ട്രത്തലവന്മാരും ഭരണാധികാരികളും​ പങ്കെടുത്തിരുന്നു.

സാമ്പത്തിക​ ഫോറത്തിൽ പ​െങ്കടുക്കവേ റിലയൻസ്​ ഇൻഡസ്​ട്രീസ്​ ചെയർമാനും​ ഇന്ത്യയിലെ ഏറ്റവും വലിയ കോടീശ്വരനുമായ മുകേഷ്​ അംബാനി മിഡിൽ ഇൗസ്റ്റുമായുള്ള ത​െൻറ ആത്മബന്ധത്തെക്കുറിച്ച്​ തുറന്നുപറഞ്ഞിരുന്നു. താൻ പിറന്നത്​ യെമനിലാണെന്നും അംബാനി വെളിപ്പെടുത്തുകയുണ്ടായി. 'എ​െൻറ പിതാവ്​ അദ്ദേഹത്തി​െൻറ ചെറുപ്പകാലത്ത്​ യെമനി​ലേക്ക്​ വന്നതിനാൽ ഞാൻ പിറന്നത്​ യമനിലായിരിക്കാമെന്നാണ്​ എനിക്ക്​ തോന്നുന്നത്​​. എനിക്ക്​ അറബി​ രക്​തമാണെന്ന്​ അദ്ദേഹം എപ്പോഴും പറയുമായിരുന്നു... എല്ലാ അറബ്​ രാജ്യങ്ങളുമായുമുള്ള ബന്ധം ഞങ്ങൾ ഏറ്റവും മൂല്യമേറിയതായി കണക്കാക്കുന്നു. -അദ്ദേഹം കൂട്ടിച്ചേർത്തു.

കോവിഡാനന്തര ലോകത്തെ ആഗോള സാമ്പത്തിക മേഖലയുടെ ഭാവിയിലൂന്നിക്കൊണ്ടുള്ള ഫോറത്തി​െൻറ ഉദ്ഘാടനം അമീർ ശൈഖ് തമീം ബിൻ ഹമദ് ആൽഥാനിയായിരുന്നു നിർവഹിച്ചത്. വലിയ ആഗോള പ്രാതിനിധ്യത്തിൽ മേഖലയിലെ തന്നെ ഏറ്റവും വലിയ അന്താരാഷ്​ട്ര പരിപാടിയായാണ് ഖത്തർ സാമ്പത്തിക ഫോറം വിശേഷിപ്പിക്കപ്പെട്ടത്​.

'ആധുനിക സാങ്കേതികവിദ്യ', 'സുസ്​ഥിര ലോകം', 'വിപണിയും നിക്ഷേപവും', 'അധികാരവും വ്യാപാരവും', 'മാറുന്ന ഉപഭോക്താവ്', 'എല്ലാം ഉൾക്കൊള്ളുന്ന ലോകം' തുടങ്ങി ആറ് പ്രധാന വിഷയങ്ങൾ മൂന്ന് ദിവസം നീണ്ട ഫോറത്തിൽ ചർച്ച ചെയ്യുകയും വിശകലനം നടത്തുകയും ചെയ്​തിരുന്നു. 2022ലെ ഖത്തർ ലോകകപ്പ്​ അടക്കമുള്ള രാജ്യത്തെ വമ്പൻ പദ്ധതികളുടെ പുരോഗതിയും ചർച്ച ചെയ്തിരുന്നു.

Show Full Article
TAGS:Mukesh Ambani Qatar Economic Forum Reliance Industries 
News Summary - I was born in Yemen and my father always said I have Arabic blood says Mukesh Ambani
Next Story