Begin typing your search above and press return to search.
proflie-avatar
Login
exit_to_app
exit_to_app
Homechevron_rightBusinesschevron_rightBiz Newschevron_rightആ തകർച്ചക്ക്​ കാരണം...

ആ തകർച്ചക്ക്​ കാരണം വളച്ചൊടിച്ച വിവരണങ്ങൾ; സ്​റ്റോക്ക്​ വീഴ്ചയിൽ മാധ്യമങ്ങളെ പഴിച്ച്​ അദാനി

text_fields
bookmark_border
ആ തകർച്ചക്ക്​ കാരണം വളച്ചൊടിച്ച വിവരണങ്ങൾ; സ്​റ്റോക്ക്​ വീഴ്ചയിൽ മാധ്യമങ്ങളെ പഴിച്ച്​ അദാനി
cancel

അദാനി ഗ്രൂപ്പിന്‍റെ ഒാഹരിയിൽ സംഭവിച്ച വൻ വീഴ്ചയിൽ മാധ്യമങ്ങളെ പഴിച്ച്​ ഗൗതം അദാനി. അശ്രദ്ധവും നിരുത്തരവാദപരവുമായി ചില മാധ്യമങ്ങൾ നടത്തിയ റിപ്പോർട്ടിങ്ങാണ്​ ഗ്രൂപ്പിന്‍റെ ഒാഹരികളിൽ വൻ വീഴ്ചക്ക്​ കാരണമായതെന്ന്​ കമ്പനിയുടെ വാർഷിക പൊതുയോഗത്തിൽ ഗൗതം അദാനി പറഞ്ഞു.

കഴിഞ്ഞ മാസം അദാനി ഗ്രൂപ്പിന്‍റെ ഒാഹരിനിലവാരം കൂപ്പുകുത്തുകയും ഒറ്റ ദിവസം ഏകദേശം 600 കോടി യു.എസ്​ ഡോളർ നഷ്​ടമുണ്ടാകുകയും ചെയ്​തിരുന്നു. നാഷനൽ സെക്യൂരിറ്റിസ്​ ഡെപ്പോസിറ്ററി ലിമിറ്റഡ്​ (എൻ.എസ്​.ഡി.എൽ) അദാനി ഗ്രൂപ്പിലെ ഒാഹരിയുടമകളായ മൂന്ന്​ വിദേശ നിക്ഷേപ അക്കൗണ്ടുകൾ മരവിപ്പിച്ചതിനെ തുടർന്നാണ്​ കമ്പനി കടുത്ത നഷ്ടം നേരിട്ടത്​. എൻ.എസ്​.ഡി.എലിന്‍റെ നടപടി സംബന്ധിച്ച വാർത്തകൾ അദാനി ഗ്രൂപ്പ്​ നിഷേധിച്ചിരുന്നു. ഇതു സംബന്ധിച്ച വാർത്തകൾ തെറ്റാണെന്നായിരുന്നു കമ്പനിയുടെ നിലപാട്​.

എന്നാൽ, റെഗുലേറ്റർമാരുടെ ഭരണനടപടികൾ നിരുത്തരവാദപരമായി ചില മാധ്യമങ്ങൾ റിപ്പോർട്ട്​ ചെയ്​തതിനെ തുടർന്നാണ്​ ഒാഹരികൾ ഇടിഞ്ഞതെന്ന്​ അദാനി വിശദീകരിച്ചു.

വളച്ചൊടിച്ച വിവരണങ്ങൾ കാരണം കമ്പനിയുടെ ചെറു നിക്ഷേപകർ തെറ്റിദ്ധരിച്ചതാണ്​ ഒാഹരി കൂപ്പുകുത്താൻ കാരണമെന്ന്​ ഗൗതം അദാനി പറഞ്ഞു.

അ​ദാ​നി ഗ്രൂ​പ്പി​ൽ 43,500 കോ​ടി​ രൂപയു​ടെ നി​ക്ഷേ​പ​മുള്ള മൂന്ന്​ കമ്പനികൾക്കെതിരെയാണ്​ എൻ.എസ്​.ഡി.എൽ നടപടി എടുത്തത്​. അ​ദാ​നി എ​ൻറ​ർ​പ്രൈ​സ​സ്, അ​ദാ​നി ഗ്രീ​ൻ എ​ന​ർ​ജി, അ​ദാ​നി ടോ​ട്ട​ൽ ഗ്യാ​സ്, അ​ദാ​നി ട്രാ​ൻ​സ്​​മി​ഷ​ൻ എ​ന്നി​വ​യി​ലായിരുന്നു​ മൂ​ന്നു വി​ദേ​ശ ക​മ്പ​നി​ക​ളു​ടെ​യും നി​ക്ഷേ​പം. ​അ​ൽ​ബു​ല ഇ​ൻ​വെ​സ്​ റ്റ്​​​മെ​ൻറ്​ ​ഫ​ണ്ട്, ക്രെ​സ്​​റ്റ്​​ ഫ​ണ്ട്, എ.​പി.​എം.​എ​സ്​ ഇ​ൻ​വെ​സ്​​റ്റ്​​മെൻറ്​ ഫ​ണ്ട്​ എ​ന്നീ സ്ഥാ​പ​ന​ങ്ങ​ളു​ടെ അ​ക്കൗ​ണ്ടു​ക​ളാ​ണ്​ എൻ.എസ്​.ഡി.എൽ മ​ര​വി​പ്പി​ച്ച​ത്. മൊ​റീ​ഷ്യ​സ്​ ആ​സ്​​ഥാ​ന​മാ​യി​ ര​ജി​സ്​റ്റ​ർ ചെ​യ്​​തതാണ്​ ഈ മൂ​ന്നു സ്ഥാ​പ​ന​ങ്ങളും. ഇവക്കെല്ലാം ഒ​രേ വി​ലാ​സ​​മാ​ണെ​ന്നും ഇ​വ​ക്ക്​ വെ​ബ്​​സൈ​റ്റു​ക​ളി​ല്ലെ​ന്നും മാ​ധ്യ​മ​ങ്ങ​ൾ റി​പ്പോ​ർ​ട്ട്​​ചെ​യ്​​തി​രു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:adani groupGautam Adani
News Summary - Gautam Adani On What Led To Last Month's Stock Crash
Next Story