കേന്ദ്രസർക്കാരിൽ വിരമിച്ചവർക്ക്​ കരാർ നിയമനം; പ്രതിഫലം നിർണയിക്കാൻ കരട്​ തയാറാക്കി

ന്യുഡൽഹി: കേന്ദ്രസർക്കാർ സർവിസിൽനിന്ന്​ വിരമിച്ചവർക്ക്​ കരാർ അടിസ്​ഥാനത്തിൽ നിയമനം നൽകുന്നത്​ പെരുകുന്നു. വിരമിച്ചവരെ​ വീണ്ടും കരാർ അടിസ്​ഥാനത്തിൽ നിയമിക്കു​േമ്പാൾ നൽകുന്ന പ്രതിഫലം സംബന്ധിച്ച്​ കരട്​ മാനദണ്ഡങ്ങൾ തയാറാക്കി. വിരമിച്ച കരാർ ജീവനക്കാർക്ക്​ നൽകുന്ന പ്രതിഫലം ഏകീകരിക്കുന്നതിനാണ്​ ഇത്​. വിവിധ വകുപ്പുകളിൽ നിന്നും മന്ത്രാലയങ്ങളിൽനിന്നും ഇതിനായി 10 ദിവസത്തിനകം നിർദ്ദേശങ്ങൾ സമർപ്പിക്കാൻ ആവശ്യപ്പെട്ടിരുന്നു.

ശിപാർശയുടെ അടിസ്​ഥാനത്തിലാണ്​ കേന്ദ്രസർക്കാർ ജീവനക്കാരിലെ കരാർ നിയമനം. വിരമിക്കുന്ന മാസം വാങ്ങിയ ശമ്പളത്തിൽനിന്ന്​ ബേസിക്​ പെൻഷൻ തുക കുറച്ചശേഷമായിരിക്കും വിരമിച്ചശേഷം കരാർ അടിസ്​ഥാനത്തിൽ ​േജാലിയിൽ പ്രവേശിച്ചവർക്ക്​ പ്രതിഫലം നൽകുക. കരാർ സമയത്ത്​ ക്ഷാമ​ബത്തയോ മറ്റു ആനുകൂല്യങ്ങളോ ലഭിക്കില്ല. 60 വയസിൽ വിരമിച്ചതിനുശേഷം അഞ്ചുവർഷം കൂടി മാത്രമേ ഇവരെ കരാർ അടിസ്​ഥാനത്തിൽ നിയമിക്കാനാകൂ.

അ​േതസമയം കേ​ന്ദ്രസർക്കാർ ഒഴിവുകളിൽ പുതിയ നിയമനങ്ങൾ നടത്താത്തതിൽ വിമർശനം ഉയരുന്നു. രാജ്യത്ത്​ തൊഴിലില്ലായ്​മ നിരക്ക്​ കുത്തനെ ഉയരു​േമ്പാഴാണ്​ കരാർ അടിസ്​ഥാനത്തിലുള്ള ജീവനക്കാരുടെ നിയമനം.