Begin typing your search above and press return to search.
proflie-avatar
Login
exit_to_app
exit_to_app
Homechevron_rightBusinesschevron_rightBiz Newschevron_rightവിഷമയമായ ഉള്ളടക്കം...

വിഷമയമായ ഉള്ളടക്കം പ്രക്ഷേപണം ചെയ്യുന്ന ചാനലുകൾക്ക്​​ പരസ്യമില്ലെന്ന്​​ പാർലെയും

text_fields
bookmark_border
വിഷമയമായ ഉള്ളടക്കം പ്രക്ഷേപണം ചെയ്യുന്ന ചാനലുകൾക്ക്​​ പരസ്യമില്ലെന്ന്​​ പാർലെയും
cancel

മുംബൈ: അർണബ്​ ഗോസ്വാമിയുടെ റിപബ്ലിക്​ ടിവിയടക്കം മൂന്ന്​ പ്രമുഖ ടെലിവിഷൻ ചാനലുകൾ ടി.ആര്‍.പി. റേറ്റിങ്ങില്‍ കൃത്രിമം കാണിച്ച സംഭവത്തില്‍ നിലപാടറിയിച്ച്​ പരസ്യദാതാക്കളായ കൂടുതൽ കമ്പനികൾ രംഗത്ത്​. മുംബൈ പൊലീസി​െൻറ വെളിപ്പെടുത്തലിന്​ പിന്നാലെ ആരോപണവിധേയരായ ചാനലുകള്‍ക്ക് പരസ്യം നല്‍കില്ലെന്ന് ബിസ്‌കറ്റ് നിര്‍മാതാക്കളായ പാര്‍ലെ വ്യക്​തമാക്കി. വിഷമയമായ ഉള്ളടക്കങ്ങള്‍ പ്രക്ഷേപണം ചെയ്യുന്ന ചാനലുകള്‍ക്ക് പരസ്യം നല്‍കില്ലെന്നാണ്​ പാര്‍ലെ കമ്പനിയുടെ സീനിയര്‍ കാറ്റഗറി തലവന്‍ കൃഷ്ണറാവു ബുദ്ധ ലൈവ് മിൻറ്​ വെബ്‌സൈറ്റിനോട് പ്രതികരിച്ചത്​.

ആരോപണവിധേയരായ മൂന്നു ചാനലുകളെ കരിമ്പട്ടികയില്‍ പെടുത്തിയെന്നും ഇനി പരസ്യം നല്‍കില്ലെന്നും വാഹന നിര്‍മാതാക്കളായ ബജാജ് ഓട്ടോസ് പ്രഖ്യാപിച്ചിരുന്നു. റിപ്പബ്ലിക് ടി.വി, ഫാക്ട് മറാത്തി, ബോക്സ് സിനിമ എന്നീ ചാനലുകള്‍ക്കെതിരെയാണ് ടി.ആര്‍.പിയില്‍ കൃത്രിമം കാണിച്ചതിന് പോലീസ് കേസെടുത്തത്. സംഭവത്തിൽ അർണബ്​ ഗോസ്വാമിയെ മുംബൈ പൊലീസ്​ ചോദ്യം ചെയ്യാനും തീരുമാനിച്ചിരുന്നു.

തങ്ങളുടെ ചാനലുകൾ മാത്രം നിരന്തരം പ്രദർശിപ്പിക്കുന്നതിനായി വ്യൂവർഷിപ്പ്​ മോണിറ്ററിങ്​ മീറ്ററുകൾ സ്ഥാപിച്ച വീടുകളിലുള്ളവർക്ക്​ പണം നൽകിയാണ്​​ ഇത്തരക്കാർ ​കൃത്രിമം കാണിക്കുന്നതെന്ന്​​ വാർത്ത സമ്മേളനത്തിൽ പൊലീസ്​ കമ്മീഷ്​ണർ പരം ബിർ സിങ്​ വെളിപ്പെടുത്തിയിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:arnab goswamirepublic tvFake TRPparle
News Summary - Fake TRP case spooks brands
Next Story