Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightBusinesschevron_rightBiz Newschevron_rightടെസ്​ലയുടെ ഓഹരി വില...

ടെസ്​ലയുടെ ഓഹരി വില കുതിക്കുന്നു; ബിൽ ഗേറ്റ്​സിനെ വെട്ടി ലോകത്തെ രണ്ടാമത്തെ സമ്പന്നനാകാൻ മസ്​ക്​

text_fields
bookmark_border
ടെസ്​ലയുടെ ഓഹരി വില കുതിക്കുന്നു; ബിൽ ഗേറ്റ്​സിനെ വെട്ടി ലോകത്തെ രണ്ടാമത്തെ സമ്പന്നനാകാൻ മസ്​ക്​
cancel

വാഷിങ്​ടൺ​: അതെ, ലോകത്തിലെ ഏറ്റവും വലിയ ധനികരിൽ രണ്ടാമനായ ബിൽ ഗേറ്റ്​സിനെ മറികടക്കാൻ ടെസ്‌ലയുടെയും സ്പെയ്സ് എക്സി​െൻറയും മേധാവി ഇലോൺ മസ്​കിന്​ ഇനി ഒരുപാട്​ ദൂരം ബാക്കിയില്ല. 120 ബില്യണ്‍ ഡോളര്‍ ആസ്തിയുമായി ഇലോണ്‍ മസ്‌ക് ലോക കോടീശ്വര പട്ടികയില്‍ മൂന്നാമതെത്തിയിരിക്കുകയാണ്​. ഫേസ്ബുക്ക് സ്ഥാപകന്‍ മാര്‍ക്ക് സുക്കര്‍ബര്‍ഗിനെയാണ്​ അദ്ദേഹം നിലവിൽ മറികടന്നിരിക്കുന്നത്​.

ടെസ്​ലയുടെ ഓഹരി വില കുതിച്ചതോടെയാണ് അദ്ദേഹത്തി​െൻറ ആസ്തിയില്‍ ഗണ്യമായ വര്‍ധനവുണ്ടായത്. മോർഗൻ സ്റ്റാൻലിയുടെ ഒാവർവൈറ്റ്​ റേറ്റിങ്ങി​െൻറ കരുത്തിൽ ടെസ്‌ലയുടെ ഓഹരികൾ 10 ശതമാനം ഉയർന്നതതോടെ ബുധനാഴ്ച മസ്‌ക്കി​െൻറ ആസ്തി 10.2 ബില്യൺ ഡോളർ കൂടി വർധിച്ചിരുന്നു.

കാർ-റീട്ടെയിലിങ്​ ബിസിനസ്സിൽ നിന്ന്​ സോഫ്റ്റ്‌വെയർ, സർവീസ്​ പോലുള്ള ഒന്നിലധികം വരുമാന മാർഗങ്ങളിലേക്ക് കമ്പനി മാറുന്നതി​െൻറ വക്കിലാണെന്ന് അനലിസ്റ്റ് ആദം ജോനാസ് പ്രവചിച്ചിരുന്നു. ഈ നീക്കം മസ്‌ക്കി​െൻറ മൊത്തം ആസ്തി 120 ബില്യൺ ഡോളറാക്കി,

ലോകത്തിലെ 500 ധനികരുടെ റാങ്കിങ്ങായ ബ്ലൂംബെർഗ് ശതകോടീശ്വര സൂചികയിൽ ബിൽഗേറ്റ്​റും ഇലോൺ മസ്​കും തമ്മിലുള്ള വെത്യാസം 8 ബില്യൺ ഡോളർ മാത്രമാണ്​. 2020ല്‍മാത്രം ഇലോണ്‍ മസ്‌കി​െൻറ ആസ്തിയിലുണ്ടായ വര്‍ധന 82.1 ബില്യണ്‍ ഡോളറാണ്. ലോകത്തെ 500 കോടീശ്വരന്മാരുടെ ഇടയില്‍ ഏറ്റവും നേട്ടമുണ്ടാക്കിയ വ്യക്തിയും ഇദ്ദേഹം തന്നെ.

Show Full Article
TAGS:Elon Musk Tesla Bill Gates bloomberg 
Web Title - Elon Musk could become world's second richest person as Tesla stocks surge
Next Story