ക്രിക്കറ്റ് ടൂർണമെന്റ്: അബ്ബാസിയ എ വൺ ജേതാക്കൾ

കുവൈത്ത് സിറ്റി: തൃശൂർ അസോസിയേഷൻ ഓഫ് കുവൈത്ത് ക്രിക്കറ്റ് മത്സരത്തിൽ വിവിധ ഏരിയകളിൽനിന്നായി 10 ടീമുകൾ പങ്കെടുത്തു. ഫൈനൽ മത്സരത്തിൽ അബ്ബാസിയ എ ടു ടീമിനെ തോൽപിച്ച് അബ്ബാസിയ എ വൺ ടീം ജേതാക്കളായി.

ട്രാസ്ക് പ്രസിഡന്റ് ബിവിൻ തോമസ് ട്രോഫി വിതരണം ചെയ്തു. റണ്ണേഴ്സ് അപ്, മികച്ച ബൗളർ, മാൻ ഓഫ് ദ സീരീസ്, മികച്ച ബാറ്റ്സ്മാൻ, ഏറ്റവും നല്ല ക്യാച്ച്, മികച്ച വിക്കറ്റ് കീപ്പർ എന്നിവർക്കുള്ള സമ്മാനങ്ങൾ സ്പോർട്സ് കൺവീനർ ജയേഷ്, വൈസ് പ്രസിഡന്റ് സ്റ്റീഫൻ ദേവസി, ആർട്സ് കൺവീനർ ഷാനവാസ്, ഏരിയ കൺവീനർമാർ എന്നിവർ ചേർന്ന് വിതരണം ചെയ്തു. ട്രഷറർ ശ്രീരജീഷ് നന്ദി പറഞ്ഞു.