Begin typing your search above and press return to search.
exit_to_app
exit_to_app
വില്ലനായി കോവിഡ്​ വ്യാപനം; എല്ലാ പ്ലാന്‍റുകളിലും ടൂവീലർ ഉൽപാദനം നിർത്തി ഹീറോ
cancel
Homechevron_rightBusinesschevron_rightBiz Newschevron_rightവില്ലനായി കോവിഡ്​...

വില്ലനായി കോവിഡ്​ വ്യാപനം; എല്ലാ പ്ലാന്‍റുകളിലും ടൂവീലർ ഉൽപാദനം നിർത്തി ഹീറോ

text_fields
bookmark_border

ന്യൂഡൽഹി: രാജ്യത്തെ ഏറ്റവും വലിയ ടൂവീലർ നിർമാതാക്കളായ ​ഹീറോ മോ​ട്ടോകോർപ്​ എല്ലാ പ്ലാന്‍റുകളും താത്​കാലികമായി അടച്ചുപൂട്ടി. രാജ്യത്തുടനീളം ​കോവിഡ്​ വ്യാപനം രൂക്ഷമായ സാഹചര്യത്തിൽ പ്ലാന്‍റുകൾ സൂപർ സ്​പ്രെഡറുകളാകുമെന്ന ആശങ്കയുടെ പശ്​ചാത്തലത്തിലാണ്​​ നടപടി.

ഈ സാമ്പത്തിക വർഷം ആദ്യമായാണ്​ ഒരു ടൂ വീലർ കമ്പനി പ്ലാന്‍റുകൾ അടച്ചിടുന്നത്​. ​േഗ്ലാബൽ പാർട്​സ്​ കേന്ദ്രവും ഇതിന്‍റെ ഭാഗമായി നിർത്തിവെച്ചിട്ടുണ്ട്​.

അടച്ചിട്ട കാലയളവിൽ ഓരോ പ്ലാന്‍റിലും ആവശ്യമായ അറ്റകുറ്റപ്പണികൾ നടത്തുമെന്ന്​ കമ്പനി അറിയിച്ചു. നാലു ദിവസത്തേക്ക്​ അടച്ചിടാനാണ്​ പ്രാഥമിക തീരുമാനം.

വിപണിയിൽ ഇതുമൂലം പ്രതിസന്ധി ഉണ്ടാകില്ലെന്നാണ്​ കമ്പനി നൽകുന്ന ഉറപ്പ്​. രാജ്യത്ത്​ പകുതിയോളം സംസ്​ഥാനങ്ങൾ ഇതിനകം ലോക്​ഡൗണിലോ കർഫ്യൂവിലോ ആണ്​. കടുത്ത നിയന്ത്രണങ്ങൾ അവശേഷിച്ച സംസ്​ഥാനങ്ങളിലും നിലനിൽക്കുന്നു. ഇതോടെ, സ്വാഭാവികമായും വിപണിയിൽ ചലനം കുറയുമെന്നതുകൂടി മുൻനിർത്തിയാണ്​ കമ്പനിയുടെ നടപടി.

ഹീറോയുടെ കോർപറേറ്റ്​ ​ഓഫീസ്​ നേരത്തെ വർക്​ അറ്റ്​ഹോമിലേക്ക്​ മാറിയിരുന്നു. അടിയന്തര സേവനമേഖലയിലുള്ളവർ മാത്രമാണ്​ നിലവിൽ എത്തുന്നത്​.

ഹരിയാനയിലെ ധാരുഹെര, ഗുരുഗ്രാം, ആന്ധ്രപ്രദേശിലെ ചിറ്റൂർ, ഉത്തരാഖണ്ഡിലെ ഹരിദ്വാർ, രാജസ്​ഥാനിലെ നീംറാണ, ഗുജറാത്തിലെ ഹാലോൽ എന്നിവിടങ്ങളിലാണ്​ ഹീറോ ഉൽപാദന യൂനിറ്റുകളുള്ളത്​. പ്രതിവർഷം ഒരു കോടി ടൂ വീലറുകൾ ഉൽപാദിപ്പിക്കാൻ കമ്പനിക്ക്​ ശേഷിയുണ്ട്​.

Show Full Article
TAGS:Covid-19 Hero MotoCorp factories 
News Summary - Covid-19 impact: Hero MotoCorp shuts down all factories
Next Story