പെട്രോളിനും ഡീസലിനും കാർഷിക സെസ്​; നാളെ മുതൽ പ്രാബല്യത്തിൽ

ന്യൂഡൽഹി: കാർഷിക മേഖലയുടെ അടിസ്ഥാന സൗകര്യ വികസനത്തിനായി പ്രത്യേക സെസ്​ ഏർപ്പെടുത്തി ധനമന്ത്രി നിർമല സീതാരാമൻ. മദ്യം, സ്വർണം, വെള്ളി, പരുത്തി, ആപ്പിൾ, പെട്രോൾ, ഡീസൽ തുടങ്ങിയ ഉൽപന്നങ്ങൾക്കാണ്​​ സെസ്​ ഏർപ്പെടുത്തിയത്​.

മദ്യത്തിന്​ 100 ശതമാനം സെസാണ്​ ഏർപ്പെടുത്തുക. സ്വർണത്തിനും വെള്ളിക്കും 2.5 ശതമാനവും ആപ്പിളിന്​ 35 ശതമാനവും പരുത്തിക്ക്​ അഞ്ച്​ ശതമാനവും സെസ്​ ഏർപ്പെടുത്തും. പെട്രോളിന്​ ലിറ്ററിന്​ 2.5 രൂപയും ഡീസലിന്​ നാല്​ രൂപയുമായിരിക്കും സെസ്​ . എന്നാൽ, ഇതുമൂലം പെട്രോൾ, ഡീസൽ വില ഉയരില്ലെന്ന്​ സർക്കാർ വ്യക്​തമാക്കിയിട്ടുണ്ട്​.

ഇതിനൊപ്പം കോട്ടൺ, സിൽക്ക്​ എന്നിവ കസ്റ്റംസ്​ തീരുവയും ധനമന്ത്രി ഉയർത്തിയിട്ടുണ്ട്​. എന്നാൽ, ആപ്പിൾ, മദ്യം, കൽക്കരി, ലിഗ്​നെറ്റ്​, രാസവളം, അമോണിയം നൈട്രേറ്റ്​ തുടങ്ങിയവയുടെ കസ്റ്റംസ്​ ഡ്യൂട്ടിയിൽ ഇളവ്​ അനുവദിച്ചിട്ടുണ്ട്​.

Latest Video