Begin typing your search above and press return to search.
exit_to_app
exit_to_app
Homechevron_rightBusinesschevron_rightBiz Newschevron_rightഎയർടെല്ലിനും വൊഡാഫോൺ ...

എയർടെല്ലിനും വൊഡാഫോൺ ഐഡിയക്കും നഷ്​ടമായത്​ 47 ലക്ഷം വരിക്കാരെ; നേട്ടമുണ്ടാക്കി ജിയോ, ബി.എസ്​.എൻ.എൽ

text_fields
bookmark_border
എയർടെല്ലിനും വൊഡാഫോൺ ഐഡിയക്കും നഷ്​ടമായത്​ 47 ലക്ഷം വരിക്കാരെ; നേട്ടമുണ്ടാക്കി ജിയോ, ബി.എസ്​.എൻ.എൽ
cancel

മെയ്​ മാസത്തിൽ മാത്രമായി ഭാരതി എയർടെല്ലിനും വൊഡാഫോൺ ഐഡിയക്കും നഷ്​ടമായത്​ 47 ലക്ഷം വീതം വയർലെസ്​ വരിക്കാരെ. എന്നാൽ, ഇതേ മാസം റിലയൻസ്​ ജിയോ 37 ലക്ഷം പുതിയ വരിക്കാരെ ചേർക്കുകയും ​ചെയ്​തു. 2.02 ലക്ഷം ആളുകളെ ചേർത്ത്​ ബി.എസ്.എൻ.എല്ലും നേട്ടമുണ്ടാക്കി. ടെലികോം റെഗുലേറ്ററി അഥോറിറ്റി ഓഫ് ഇന്ത്യയാണ്​ പുതിയ കണക്കുകൾ പുറത്തുവിട്ടത്​.

മെയ്​ മാസത്തിൽ വയര്‍ലെസ് വരിക്കാരുടെ എണ്ണത്തിൽ ആകെ 56.1 ലക്ഷം കുറവുവന്നതായും​ ട്രായ് കണക്കുകള്‍ സൂചിപ്പിക്കുന്നു. ഏപ്രില്‍ മാസത്തിലും ഏറെ കുറവ് രേഖപ്പെടുത്തിയിരുന്നു. മെയ്​ മാസത്തില്‍, ടുജി, ത്രീജി, 4ജി ഉപയോക്താക്കളുടെ എണ്ണത്തില്‍ രാജ്യത്ത് 0.5 ശതമാനം കുറവ്​ രേഖപ്പെടുത്തിയിട്ടുണ്ട്​. ലോക്ക് ഡൗണിനെ തുടര്‍ന്ന് നഗരങ്ങളില്‍ നിന്ന് തൊഴിലാളികടക്കമുള്ളവര്‍ ഗ്രാമീണ മേഖലകളിലേക്ക് മടങ്ങിയതാണ്​ കുറവിന് കാരണമെന്നാണ് റിപ്പോർട്ട്​.

നഗരപ്രദേശങ്ങളിലെ വരിക്കാരുടെ എണ്ണം ഏപ്രിലിലെ 62.9 കോടിയില്‍ നിന്ന് മേയ് ആയപ്പോള്‍ 62 കോടിയായി കുറഞ്ഞു. അതേസമയം, ഗ്രാമീണ മേഖലയില്‍ 52 കോടിയുണ്ടായിരുന്നത് 52.3 കോടിയായി വര്‍ധിച്ചിട്ടുണ്ട്​. മെയ്​ മാസത്തിൽ 30 ലക്ഷത്തോളം പേർ മൊബൈൽ നമ്പർ പോർട്ടബിലിറ്റി അപേക്ഷകൾ അയച്ചതായും ട്രായ്​യുടെ കണക്കുകളിൽ പറയുന്നു. തൊഴില്‍ നഷ്ടവും, ഒരേസമയം വിവിധ കമ്പനി സിം കാർഡുകൾ ഉപയോഗിച്ചിരുന്നവര്‍ ആ ശീലം ഉപേക്ഷിച്ചതുമൊക്ക ഇതിന്​ കാരണമായി.

Show Full Article
TAGS:Airtel vodafone idea Reliance Jio Sunil Mittal 
News Summary - Airtel, Vodafone lose 4.7 million users each in May
Next Story