വാണിജ്യ സിലിണ്ടറിന് 25 രൂപ കൂട്ടി; ഹോട്ടൽ ഭക്ഷണ ചെലവ് വീണ്ടും ഉയരും

ന്യൂഡൽഹി: ജനങ്ങൾക്ക് പുതുവത്സര ആഘാതമായി വാണിജ്യ പാചകവാതകത്തിന്‍റെ വില 25 രൂപ വർധിപ്പിച്ചു. ഗാർഹിക സിലിണ്ടറിന് വില വർധിപ്പിച്ചിട്ടില്ലെങ്കിലും വാണിജ്യ ഗ്യാസിന്‍റെ വില വർധനയോടെ ഹോട്ടൽ ഭക്ഷണ ചെലവ് ഇനിയും ഉയരും.

19 കിലോയുടെ വാണിജ്യ സിലിണ്ടറിന്‍റെ വില ഡൽഹിയിൽ ഇനി 1,769 രൂപയാകും. 2022 ജൂലൈയിലാണ് എണ്ണക്കമ്പനികൾ ഗാർഹിക സിലിണ്ടറിന്‍റെ വില അവസാനമായി വർധിപ്പിച്ചത്. നാലു തവണയാണ് ഇക്കഴിഞ്ഞ വർഷം വാണിജ്യ സിലിണ്ടർ വില വർധിപ്പിച്ചത്.