Top
Begin typing your search above and press return to search.
keyboard_arrow_down
Login
exit_to_app
exit_to_app
SBI
cancel
Homechevron_rightBusinesschevron_rightBankingchevron_rightവി.ആർ.എസ്​ ചെലവ്​...

വി.ആർ.എസ്​ ചെലവ്​ ചുരുക്കലിൻെറ ഭാഗമല്ല; 14,000 പേരെ നിയമിക്കാനൊരുങ്ങി എസ്​.ബി.ഐ

text_fields
bookmark_border

ന്യൂഡൽഹി: സ്​ഥിരം ജീവനക്കാർക്ക്​ സ്വയം വിരമിക്കൽ പദ്ധതി പ്രഖ്യാപിച്ചതിനിടയിലും 14,000 ​പേരെ പുതുതായി നിയമിക്കാനൊരുങ്ങി രാജ്യത്തെ ഏറ്റവും വലിയ പൊതുമേഖല ബാങ്കായ സ്​റ്റേറ്റ്​ ബാങ്ക്​ ഓഫ്​ ഇന്ത്യ. സ്വയം വിരമിക്കൽ പദ്ധതി ചെലവ്​ ചുരുക്കലിൻെറ ഭാഗമാ​യല്ലെന്നും എസ്​.ബി.ഐ വക്താവ്​ പറഞ്ഞു.

2.5 ​ലക്ഷം ജീവനക്കാരാണ്​ എസ്​.ബി.ഐക്കുള്ളത്​. 30,190 ജീവനക്കാർക്കായി എസ്​.ബി.ഐ സ്വയം വിരമിക്കൽ പദ്ധതി ​പ്രഖ്യാപിച്ചിരുന്നു. 'സൗഹാർദ്ദ പരമാണ്​ എസ്​.ബി.ഐയുടെ ജീവനക്കാരോടുള്ള പെരുമാറ്റം. ബാങ്കിൻെറ പ്രവർത്തനങ്ങൾ കൂടുതൽ വിപുലീകരിക്കാനും തീരുമാനിച്ചു. ഇതിനായി കൂടുതൽ ജീവനക്കാരെ ആവശ്യമായി വരും. ഈ സാഹചര്യത്തിൽ 14,000ത്തോളം ജീവനക്കാരെ പുതുതായി നിയമിക്കാൻ ഒരുങ്ങുകയാണ്​' -എസ്​.ബി.ഐ പത്രക്കുറിപ്പിൽ അറിയിച്ചു.

ശാരീരിക ബുദ്ധിമുട്ടുകൾ അനുഭവിക്കുന്നവർ, കുടുംബ പ്രശ്​നങ്ങളുള്ളവർ, പ്രഫഷനൽ പരിമിതികളുള്ളവർ, മറ്റു സ്വകാര്യ പ്രശ്​നങ്ങൾ നേരിടുന്നവർക്ക്​ എസ്​.ബി.ഐ സ്വയം വിരമിക്കാൻ അവസരം നൽകുന്നുവെന്നും ചെലവുചുരുക്കലിൻെറ ഭാഗമായല്ലെന്നും എസ്​.ബി.ഐ വ്യക്തമാക്കി.

25 വർഷം സേവനം അനുഷ്​ഠിക്കുകയോ 55 വയസ്​ പൂർത്തിയാകുകയോ ചെയ്​ത എല്ലാ സ്​ഥിര ജീവനക്കാർക്കുമാണ്​ എസ്​.ബി.ഐ സ്വയം വിരമിക്കൽ പദ്ധതി പ്രഖ്യാപിച്ചത്​. യോഗ്യത മാനദണ്ഡമനുസരിച്ച്​ 11,565 ഓഫിസർമാർക്കും 18625 സ്​റ്റാഫ്​ അംഗങ്ങൾക്കും പദ്ധതിക്ക്​ അർഹതയുണ്ടെന്നും പറയുന്നു.

Show Full Article
TAGS:SBI State Bank of India SBI VRS VRS 
Web Title - SBI Hire 14,000 Employees This Year VRS Not Cost cutting Exercise
Next Story